Kampanii Parka vysokich technałohij admovilisia ad indeksacyi zarpłat
Rezidenty PVT nie stanuć u śniežni i studzieni indeksavać zarobnuju płatu supracoŭnikaŭ u suviazi ź biahučaj ekanamičnaj situacyjaj.
Da takoha vyrašeńnia pryjšli ŭdzielniki kruhłaha stała – kiraŭniki IT-kampanij Parka. Prynamsi ŭ bližejšy čas zarpłaty ich supracoŭnikaŭ vyrašana nie źmianiać u suviazi z ekanamičnaj situacyjaj u Biełarusi.
Akramia taho za kruhłym stałom abmiarkoŭvałasia mahčymaść vykarystańnia bonusnaj sistemy apłaty pracy i stvareńnie ŭłasnaj sistemy infarmavańnia ab uzroŭni i dynamicy apłaty pracy IT-śpiecyjalistaŭ.
***
Park vysokich technałohij – asablivaja ekanamičnaja zona z admysłovym padatkova-pravavym režymam, pryniataja dla stvareńnia spryjalnych umoŭ dla raspracoŭki prahramnaha zabieśpiačeńnia i infarmacyjna-kamunikacyjnych technałohij. Rezidentami Parku źjaŭlajucca EPAM, Wargaming, Viber, Apalon i mnohija inšyja viadomyja biełaruskija IT-kampanii.
Pa źviestkach Biełstat na kastryčnik 2014 hoda siaredniaja zarobnaja płata pa Biełarusi składała 6,37 młn biełaruskich rubloŭ. Ludzi, čyje prafiesii źviazanyja z vyličalnaj technikaj, tradycyjna atrymlivajuć adny z samych vysokich zarpłat u krainie. Na kastryčnik 2014 hoda ich siaredniaja zarobnaja płata skłała 16,8 młn. Blizkija da ich zapłaty majuć supracoŭniki pavietranaha transpartu (14,4 młn u kastryčniku) i ludzi, zaniatyja na vytvorčaści koksu, naftapraduktaŭ i jadziernych materyjałaŭ (12 młn u kastryčniku).
Kamientary