Cvajaki palityka sa spasyłkaj na krynicy ŭ kalonii zajaŭlajuć, što byŭ «zahad vyzvalić Maryniča nie raniej za prezydenckija vybary».
Takoje rašeńnie pryniaŭ sud Centralnaha rajonu Miensku padčas vyjaznoha pasiedžańnia ŭ mienskaj kalonii. Jak stała viadoma, były ministar i ambasadar Michaił Marynič vyjdzie na volu ciaham niekalkich dzion. Cvajaki palityka sa spasyłkaj na krynicy ŭ kalonii zajaŭlajuć, što byŭ «zahad vyzvalić Maryniča nie raniej za prezydenckija vybary».
Sud Centralnaha rajonu Miensku pryniaŭ rašeńnie ab umoŭna-daterminovym vyzvaleńni Michaiła Maryniča, byłoha ministra zamiežnaekanamičnych suviaziaŭ i ambasadara Biełarusi ŭ Łatvii, asudžanaha za kradziež kamputaraŭ i orhtechniki na 3,5 hady źniavoleńnia. Pra heta Radyjo Svaboda paviedamiła advakat Maryniča Valancina Šachancova. Vyjaznoje pasiedžańnie sudu adbyłosia siońnia, 12 krasavika, u mienskaj kalonii, dzie ciapier znachodzicca Michaił Marynič. Palityk vyjdzie na volu paśla amal dvuchhadovaha źniavoleńnia.
Pra toje, što rašeńnie adnosna Michaiła Maryniča budzie pryniataje siońnia, ranicaj 12 krasavika paćvierdziła Radyjo Svaboda ŭ specadździele mienskaj kalonii. Tam paviedamili, što ŭsie patrebnyja dakumenty na ŭmoŭna-daterminovaje vyzvaleńnie Maryniča byli napiaredadni nakiravanyja ŭ sud Centralnaha rajonu. Adnak pra dzień vyzvaleńnia viaźnia tam adkazali niapeŭna:
(Supracoŭnik turmy: ) «Budziem vyzvalać Maryniča, i nia tolki jaho, u dzień atrymańnia rašeńnia sudu našaj kancylaryjaj. Heta byvaje pa-roznamu. I praz dva dni, i praź piać, i praz tydzień. Pa-roznamu».
Advakat Valancina Šachancova taksama kaža, što vyzvaleńnia Maryniča varta čakać tolki praź niekalki dzion. Ale advakat spadziajecca, što jaje padabaronny vyjdzie na volu da suboty, 15 krasavika. Nahadajem, abarona Maryniča daŭno nastojvaje na jahonym daterminovym vyzvaleńni na toj padstavie, što jon jašče letaś adbyŭ pałovu terminu, nie parušaŭ dyscypliny, da taho ž dasiahnuŭ pensijnaha vieku i maje invalidnaść. Adnak razhlad chadajnictvaŭ ab vyzvaleńni Maryniča niekalki razoŭ adkładaŭsia.
Jak kazali svajaki palityka sa spasyłkaj na krynicy ŭ kalonii, heta adbyvałasia z-za «zahadu vyzvalić Maryniča nie raniej za prezydenckija vybary».
Nahadajem, Michaił Marynič u kalonii pieranios insult, a taksama atrymaŭ ciažkaje zachvorvańnie vačej. Miž tym, palityk nikoli nie pryznavaŭ siabie vinavatym i tłumačyŭ pieraśled palityčnymi matyvami. Šerah mižnarodnych pravaabarončych arhanizacyjaŭ pryznali jaho palityčnym viaźniem.
Ciapier čytajuć
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3333
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było33
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary