Błohiera Rustema Adahamava abviaścili ŭ rasijski fiederalny vyšuk.
Hetuju infarmacyju paćvierdzili ŭ pres-słužbie UUS Maskvy pa Paŭdniova-Uschodniaj administracyjnaj akruzie ŭ čaćvier, 22 studzienia.
«Tak, sapraŭdy, hramadzianin 1961 byŭ abvieščany ŭ vyšuk 22 studzienia pa padazreńni ŭ ździajśnieńni złačynstvaŭ pa artykułach 131 (zhvałtavańnie) i 132 (hvałtoŭnyja dziejańni sieksualnaha charaktaru) KK RF», - raspavioŭ pradstaŭnik pres-słužby.
Taksama infarmacyja pra abviaščeńnie ŭ vyšuk Adahamava paćviardžajecca, kali ŭkazać nieabchodnyja dadzienyja na sajcie MUS Rasii ŭ raździele «Vyšuk».
Rustem Adahamaŭ — adzin z samych viadomych błohieraŭ runetu pad psieŭdanimam drugoi. U pačatku 2013 hoda stała viadoma, što ŭ jaho dačynieńni da Śledčy kamitet pačaŭ pravodzić pravierku pa zajavie byłoj žonki Rustema Adahamava Taćciany Delsal, jakaja źviarnułasia ŭ Śledčy kamitet praź ŚMI. U svaich intervju, jakija jana davała haziecie «Iźviestija» i telekanału «Russia Today», Delsal paviedamiła pra toje, što Adahamaŭ, pražyvajučy ŭ Narviehii, na praciahu niekalkich hadoŭ ździajśniaŭ seksualnyja złačynstvy ŭ dačynieńni da niepaŭnaletniaj dziaŭčynki.
Kamientary