Kakainavuju zaležnaść navučylisia lekavać stymulacyjaj mozhu
Navukoŭcy z dapamohaj lekaŭ i elektryčnych impulsaŭ źniali ŭpłyŭ kakainu na mozh. Ich daśledavańnie apublikavanaje ŭ časopisie Science.
Daśledčyki Ženieŭskaha univiersiteta vyjavili ŭpłyŭ kakainu na sinapsy praz uzbudžeńnie śviatłom kletak mozhu, jakim nadali hienietyčnuju śvietačujnaść. Heta dapamahło faktyčna zrazumieć miechanizm upłyvu kakainu na pieradaču sihnałaŭ miž niejronami i źniać zaležnaść.
Jany nie stali by madyfikoŭvać hieny čałavieka — dla čałaviečaha arhanizmu prapanavany mienš radykalny mietad, hłybokaja stymulacyja mozhu elektryčnymi impulsami. Hetaja mietodyka časta ŭžyvajecca ŭ lekavańni chvaroby Parkinsona.
Ale sami pa sabie impulsy nie tolki zhładzili sihnały ad kakainu, ale i stymulavali ruch dafaminu. Tolki z dapamohaj lekaŭ, jakija sami pa sabie taksama nie nieśli karyści ŭ baraćbie z kakainam, atrymaŭsia antynarkatyčny efiekt.
Paddoślednyja myšy pazbavilisia zaležnaści na dzień. Niachaj z recedyvami, ale antynarkatyčny efiekt terapii pratryvaŭ tydzień.
Navukoŭcy sa Šviejcaryi pracavali z prylehłym jadrom — hrupaj niejronaŭ, što ŭdzielničaje ŭ farmavańni asałody, śmiechu, zaležnaści, ahresii i strachu. Jadro atrymlivaje infarmacyju ad dafaminavych receptaraŭ, a narkotyki kštałtu kakainu błakujuć naturalnyja miechanizmy zvarotnaha zachopu dafaminu. Parušeńnie abmienu dafaminu i pryvodzić da narkatyčnych efiektaŭ.
Čałaviečy mozh značna bolš składany za myšyny, tamu spatrebiacca daśledavańni z udziełam ludziej. I terapija elektryčnymi impulsami (DBS), i leki (SCH 23390) dazvolenyja ŭ ZŠA, tamu navukoŭcy spadziajucca na vyprabavańniach na ludziach u bližejšy čas.
Aleksijevič narešcie vykazałasia pra Izrail i Paleścinu18
Kamientary