Навукоўцы з дапамогай лекаў і электрычных імпульсаў знялі ўплыў какаіну на мозг. Іх даследаванне апублікаванае ў часопісе Science.
Даследчыкі Жэнеўскага універсітэта выявілі ўплыў какаіну на сінапсы праз узбуджэнне святлом клетак мозгу, якім надалі генетычную светачуйнасць. Гэта дапамагло фактычна зразумець механізм уплыву какаіну на перадачу сігналаў між нейронамі і зняць залежнасць.
Яны не сталі бы мадыфікоўваць гены чалавека — для чалавечага арганізму прапанаваны менш радыкальны метад, глыбокая стымуляцыя мозгу электрычнымі імпульсамі. Гэтая методыка часта ўжываецца ў лекаванні хваробы Паркінсона.
Але самі па сабе імпульсы не толькі згладзілі сігналы ад какаіну, але і стымулявалі рух дафаміну. Толькі з дапамогай лекаў, якія самі па сабе таксама не неслі карысці ў барацьбе з какаінам, атрымаўся антынаркатычны эфект.
Паддоследныя мышы пазбавіліся залежнасці на дзень. Няхай з рэцэдывамі, але антынаркатычны эфект тэрапіі пратрываў тыдзень.
Навукоўцы са Швейцарыі працавалі з прылеглым ядром — групай нейронаў, што ўдзельнічае ў фармаванні асалоды, смеху, залежнасці, агрэсіі і страху. Ядро атрымлівае інфармацыю ад дафамінавых рэцэптараў, а наркотыкі кшталту какаіну блакуюць натуральныя механізмы зваротнага захопу дафаміну. Парушэнне абмену дафаміну і прыводзіць да наркатычных эфектаў.
Чалавечы мозг значна больш складаны за мышыны, таму спатрэбяцца даследаванні з удзелам людзей. І тэрапія электрычнымі імпульсамі (DBS), і лекі (SCH 23390) дазволеныя ў ЗША, таму навукоўцы спадзяюцца на выпрабаваннях на людзях у бліжэйшы час.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай2
Каментары