Hulnia ŭ imitacyju
Žanr: drama, bijahrafija, vajenny
Režysior: Morten Cildum
U rolach: Bieniedykt Kambierbetč, Kira Najtli, Mećju Hud, Rory Kinier, Alen Lič, Mećju Bird, Čalz Dens, Marh Stronh, Džejms Nortkat
Vialikabrytanija, ZŠA, 114 chv.
Adznaka: 8,5 z 10.
1939. Brytanskaja vyviedka daručaje talenavitamu matematyku i łohiku Ałanu Ćjurynhu rasšyfroŭku sakretnaha koda Enihmy — unikalnaj šyfravalnaj mašyny Treciaha rejcha.
Ćjurynh nabiraje bliskučuju kamandu z dapamohaj kryžavanki, źmieščanaj ŭ brytanskaj haziecie, i pačynaje pracu ŭ zvyšsakretnym centry ŭzłomu šyfraŭ i kodaŭ — Bletčli-parku. Film raskazvaje pra zasnavalnika sučasnaj infarmatyki Ałana Ćjurynha, jaki padčas Druhoj suśvietnaj vajny stvaryŭ pratatyp kampjutara.
Scenar zasnavany na knizie Endru Chodžesa «Ałan Ćjurynh: Enihma», a režysioram staŭ narviežac Morten Cildum («Palaŭničyja za hałovami», 2012). Zdymki adbyvalisia ŭ Bletčli-parku i škole Šerbarn, dzie vučyŭsia Ćjurynh, a pratatyp elektronna-miechaničnaj mašyny, im stvoranaj, byŭ pavialičany dziela nadańnia bolšaj kinamatahrafičnaści.
Siužet maje try płany: adzin raskazvaje pra časy vučoby budučaha matematyka ŭ škole Šerbarn, druhi — ułasna praca ŭ Bletčli- parku, treci — dramatyčnyja padziei pieradapošniaha hoda žyćcia Ałana, jaki zaznaŭ pieraśled z-za svajoj homaseksualnaści. Zakranutaja taksama i psieŭdaramantyčnaja linija adnosinaŭ Ćjurynha z kalehaj Džoan Kłark, jakuju syhrała Kira Najtli.
Stužka naminavanaja na «Oskar-2015» u niekalkich katehoryjach, siarod jakich «Najlepšy film», «Najlepšaja režysiorskaja rabota», «Najlepšaja muž- čynskaja rol». Film uklučany ŭ śpis «Najlepšych filmaŭ 2014 hoda» Nacyjanalnaj radaj kinakrytykaŭ ZŠA.
Ciapier čytajuć
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary