16-hadzinnyja minskija pieramovy skončylisia damoŭlenaściu pra spynieńnie ahniu
Samit praciahvaŭsia 16 hadzin. Baki damovilisia pra spynieńnie ahniu z 00:00 15 lutaha i kanstytucyjnuju reformu va Ukrainie da kanca 2015 hoda. Ale podpisy pad pahadnieńniem pastaviła tolki kantaktavaja hrupa.
Źjaviłasia fotakopija teksta Minskich damoŭlenaściej
12:59
Abnarodavanyja asnoŭnyja punkty padpisanaha ŭ Minsku dakumienta — čytajcie pa spasyłcy.
Fota Hryhoryja Dukora, Rojterz.
12:48
Parašenka zajaviŭ, što dasiahnuta damoŭlenaść ab vyzvaleńni ŭsich zakładnikaŭ.
Jany vyzvalajucca na praciahu 19 dzion. «Pavinny być vyzvalenyja ŭsie zakładniki. 14 dzion advodzicca na vyvad ciažkaj artyleryi i 5 dzion — dla kančatkovaha vyzvaleńnia ŭsich zakładnikaŭ». Jon dadaŭ, što dasiahnuta damoŭlenaść pra chutkaje vyzvaleńnie lotčycy Nadziei Saŭčanki.
Paśla zaviaršeńnia pieramoŭ «narmandskaj čaćviorki» rasijski rynak akcyj pierajšoŭ da rostu. Indeks MMVB da 12:40 vyras bolš čym na 2%.
Kiraŭnik MZS Hiermanii Frank-Valter Štajnmajer paviedamiŭ, što lidary Rasii, Ukrainy, Hiermanii i Francyi nie stavili svaje podpisy pad pryniatym u Minsku dakumientam, ale zapeŭnili jaho słovami.
12:40
Alaksandr Łukašenka ličyć, što hałoŭnaje siońnia — realizavać padpisanyja ŭ Minsku dakumienty. Pra heta jon zajaviŭ siońnia žurnalistam u Pałacy Niezaležnaści, pravodziačy kiraŭnikoŭ «narmandskaj čaćviorki».
12:35
Aland pra vyniki: Heta — vialikaja palohka dla Jeŭropy
tass.com
12:08
Pucin vyjšaŭ da žurnalistaŭ: Damovilisia spynić ahoń z 00:00 15 lutaha — i źjechaŭ z samita
«Heta nie samaja lepšaja noč u maim žyćci. Ale ranica dobraja, bo, niahledziačy na ŭsie składanaści pieramoŭnaha pracesu, nam udałosia damovicca ab hałoŭnym », - skazaŭ Pucin.
Na pytańnie, čamu ŭzhadnieńnie dakumienta ab urehulavańni kryzisu na Ukrainie išło tak doŭha, Pucin adkazaŭ, što heta było vyklikana niežadańnie Kijeva iści na sustreču samaabvieščanym Danieckim i Łuhanskaj narodnym respublikam.
Pucin skazaŭ, što z 15 lutaha z 00:00 u Danbasie budzie dziejničać režym spynieńnia ahniu «Ciažkaje ŭzbrajeńnie budzie adviedziena ad siońniašniaj linii sudakranańnia dla Kijeva, a dla apałčencaŭ — ad linii za 19 vieraśnia», — skazaŭ jon.
Pucin zaklikaŭ da kanstytucyjnaj reformy na Danbasie.
Zatym jon pavitaŭsia ŭ chole Pałaca Niezaležnaści z pasłom Surykavym, ministram Łaŭrovym, abniaŭsia z Łukašenkam i pakinuŭ samit.
Parašenka taksama pakidaje samit. Raźvitaŭsia z Łukašenkam. Zatym Pałac pakinuli Aland i Mierkiel.
11:41
TASS: Parašenka pakinuŭ pieramovy
11:40
Duleba: Rasija vystaviła na «tarhi» Debalcava
11:10
Pieramovy ŭ Minsku mohuć praciahnucca jašče niekalki hadzin
11:05
Pucin viarnuŭsia na sustreču ź Mierkiel, Parašenkam i Alandam
10:55
TASS: Lidary «DNR» i «ŁNR» admovilisia padpisać dakumient «narmandskaj čaćviorki»
10:36
Parašenka: Pakul dobrych navin niama, Rasija vysunuła nieprymalnyja ŭmovy
10:20
Pieramovy ŭ Minsku adnavilisia
U Minsku kala 10:15 adnavilisia pieramovy pamiž prezidentami Ukrainy, Rasii, Francyi i kancleram Hiermanii, pieradajuć žurnalisty, jakija znachodziacca ŭ Pałacy Niezaležnaści.
Raniej žurnalisty pieradali, što kala 9:50 pieramovy zaviaršylisia. U pryvatnaści, spačatku pakoj pieramoŭ pakinuŭ prezident Ukrainy Piotr Parašenka, i, zabraŭšy z saboj ukrainski puł žurnalistaŭ, pajšoŭ. Za im vyjšaŭ prezident Rasii Uładzimir Pucin.
10:10
Ria.ru śćviardžaje, što padpisany dakumient praduhledžvaje pieramirje z 14 lutaha
10:01
Pucin i Parašenka pakinuli zału pasiadžeńniaŭ, Mierkiel i Aland praviaduć pres-kanfierencyju
09:31
Vieniedziktaŭ: Surkoŭ adpraviŭsia infarmavać pra dasiahnutyja damoŭlenaści kamandziraŭ «DNR» i «ŁNR»
09:31
8.30
Dypłamaty abiacajuć padpisańnie dakumienta ŭ Minsku ciaham hadziny, u dekłaracyi budzie 12—13 punktaŭ.
U Pałacy Niezaležnaści rychtujuć vialikuju zału. Dypłamaty pieradajuć, što ciaham hadziny, na 13-j ci 14-j hadzinie pieramovaŭ, mahčymaje padpisańnie dakumienta. Rasijskaja delehacyja vyhladaje zadavolenaj. Jak viadoma, raniej ministr Łaŭroŭ skazaŭ, što pieramovy iduć «supier».
Rasijskaje ahienctva TASS paviedamlaje, što ŭ vynikovaj dekłaracyi budzie 12 ci 13 punktaŭ.
Dmitrij Azarov, Kommiersant
05:50
Ceny na naftu źnizilisia na fonie pieramovaŭ u Minsku
05:10
ŚMI ahučyli asnoŭnyja patrabavańni bakoŭ na pieramovach u Minsku
5:05
Pieramovy lidaraŭ krain «narmandskaj čaćviorki» ŭ Minsku mohuć praciahvacca da zusim nie poźniaj ranicy. Pra heta paviedamiŭ namieśnik kiraŭnika AP Ukrainy Valeryj Čały.
«Pa stanie na 03:30 (02:30 pa kijeŭskim časie) pieramovy ŭ Minsku praciahvajucca. Hadzin siem pracavali kamandami. Ciapier u farmacie čatyroch lidaraŭ (biez daradcaŭ)», - napisaŭ jon u Facebook.
«Ab padrabiaznaściach jašče rana. Dumaju, što ŭ nas jašče raboty hadzin u 5—6. Jak minimum. Ale biez damoŭlenaści ab biezumoŭnym spynieńni ahniu, ja liču, adsiul nielha jechać. Pajšła «baraćba niervaŭ», - dadaŭ Čały.
2.00
Ukrinfarm: Tieroristi zhodni na mir lišie za umov pozabłokovosti Ukrajini http://bit.ly/17ixmm1.
1.30
Zachad i Uschod sustrelisia na samicie ŭ Minsku.
0:30
Videa zafiksavała, jak Łukašenka nie daŭ Pucinu padsunuć kresła i sieści, pakul sam nie skončyŭ havaryć ź Mierkiel.
0:15
Ministr zamiežnych spraŭ Rasii Siarhiej Łaŭroŭ paviedamiŭ, što «pieramovy iduć lepš, čym supier».
23:50
Jak zajaviŭ pasoł Rasii ŭ Biełarusi Alaksandr Surykaŭ, kantaktnaja hrupa pa Ukrainie nieŭzabavie pavinna ŭzhadnić i pieradać na adabreńnie lidaram narmandskaj čaćviorki prajekt dakumienta pa ŭrehulavańni situacyi na Danbasie. «Ciapier kantaktnaja hrupa skančaje i pieradaje padpisany i ŭzhodnieny dakumient, i tut jany albo jaho ŭchvalajuć, albo nie. Ciapier na narmandskim samicie abmiarkoŭvajuć mahčymyja varyjanty hetaha dakumienta», — skazaŭ Surykaŭ.
23:49
Rasiejskaha žurnalista — ci mo nie tolki žurnalista, — jaki ŭčyniŭ skandał pry pryjeździe Parašenki, biełaruskaja achova z Pałaca Niezaležnasci, jak vyśvietliłasia, nie vyhnała. Jon dźvie hadziny prasiadzieŭ u pres-centry, a paśla jamu dazvolili vyjsci.
23:16
Napiaredadni samitu «narmandskaj čaćviorki» 10 i 11 lutaha ŭ Minsku išli pieramovy pradstaŭnikoŭ MZS Ukrainy, Hiermanii, Francyi i Rasii i pamočnikaŭ prezidentaŭ, paviedamiŭ žurnalistam ministr zamiežnych spraŭ Biełarusi Uładzimir Makiej.
«Da druhoj hadziny nočy siadzieli», — skazaŭ jon.
Pa słovach ministra, raspracavany imi prajekt dakumienta byŭ pieradadzieny dla aznajamleńnia ŭdzielnikam trochbakovaj kantaktnaj hrupy (Ukraina — ABSIE — Rasija i danbaskija sieparatysty). «Dla taho kab prapanovy realna pieratvarylisia ŭ dziejańni, treba, kab ich jašče ŭspryniali i pradstaŭniki hetych dvuch rehijonaŭ — Daniecka i Łuhanska, jakija ŭvachodziać u skład trochbakovaj kantaktnaj hrupy», — zajaviŭ Makiej.
22:59
Pres-słužba Kramla apublikavała skład svajoj delehacyi na pieramovach u Minsku. Akramia Pucina ŭ ich biaruć udzieł ministr zamiežnych spraŭ Siarhiej Łaŭroŭ, jaho namieśnik Hieorhij Karasin, pamočnik prezidenta Juryj Ušakoŭ, namieśnik kiraŭnika Administracyi prezidenta — pres-sakratar prezidenta Dźmitryj Piaskoŭ.
22.35
Žurnalistam paviedamili pra mahčymyja padychody kiraŭnikoŭ dziaržaŭ da presy z zajavami. Ale pakul nieviadoma, kali i chto z narmandskaj čaćviorki budzie ich ahučvać.
22:11
Ministr zamiežnych spraŭ Biełarusi Uładzimir Makiej paviedamiŭ žurnalistam u kułuarach sustrečy «narmandskaj čaćviorki», što rašeńnie ab praviadzieńni samitu ŭ Minsku było pryniata ŭ niadzielu. «Naš vopyt dazvoliŭ chutka padrychtavacca», — skazaŭ Makiej.
Ministr taksama zajaviŭ: «My zaniali takuju pazicyju pa Ukrainie nie tamu, što chočam spadabacca kamuści. Samo žyćcio prymušaje nas tak dziejničać».
22:08
Pamočnik prezidenta Rasii Uładzisłaŭ Surkoŭ znachodzicca ŭ Minsku. Heta paćvierdziŭ žurnalistam ministr zamiežnych spraŭ Biełarusi Uładzimir Makiej.
22.06
Łukašenka, Mierkiel, Aland, Parašenka i Pucin pieramiaścilisia ŭ inšuju zału VIDEA ANŁAJN
21.58
Pieramovy praciahnulisia ŭ pašyranym farmacie. Jak pieradaje «Interfaks», da lidaraŭ dziaržaŭ dałučylisia ministry zamiežnych spraŭ hetych krain. Adnak nijakaj infarmacyi pra detali pieramoŭ pakul što niama.
21.17
Pieramovy pačalisia.
Pradstaŭnik achovy Pałaca Niezaležnaści paviedamiŭ žurnalistam, što pratakoł sustrečy byŭ parušany. Lidary krain nie vyjšli na fotasiesiju, a adrazu pierajšli da pieramovaŭ u farmacie čaćviorki, biez Alaksandra Łukašenki.
21.01
Jak pieradaje BiełTA, kantaktnaja hrupa pa Ukrainie ŭ Minsku adnaviła rabotu.
20:21
Pradstaŭnica francuzskaj delehacyi paviedamiła žurnalistam, što pieramovy ŭ «narmandskim» farmacie pačalisia. Prezidenty pavinny byli vyjści da žurnalistaŭ dla sumiesnaha fatahrafavańnia, ale tak i nie vyjšli.
Pavodle inšaj infarmacyi, aficyjnyja pieramovy pakul nie pačalisia, a na samicie adbyłosia niezapłanavanaje mierapryjemstva. Paśla pryjezdu Pucina lidary krain pavinny byli iści ŭ pakoj dla pieramoŭ učatyroch. Ale Alaksandr Łukašenka advioŭ ich u asobnaje pamiaškańnie, dzie jany doŭhi čas (kala paŭhadziny) ab niečym razmaŭlajuć. Žurnalistam ŭžo try razy abjaŭlali, što lidary krain vyjduć praz chvilinu.
20.20
Pucin i Parašenka pacisnuli ruki.
Pierad pačatkam pieramovaŭ prezidenty Ukrainy i Rasii pacisnuli ruki dy abmianialisia niekalkimi frazami. Heta adbyłosia ŭ momant, kali lidary krain sabralisia ŭ adnym pakoi.
20:19
Parašenka pravioŭ trochbakovuju sustreču z Alandam i Mierkiel.
19.50
Jak paviedamlaje Interfaks, «lidary» «DNR» i «ŁNR» Alaksandr Zacharčanka i Ihar Płatnicki pryjechali ŭ Minsk, kab padpisać dakumient pa ŭrehulavańni ŭzbrojenaha kanfliktu na ŭschodzie Ukrainy ŭ vypadku pośpiechu pieramoŭ lidaraŭ «narmandskaj čaćviorki».
U biełaruskim MZS paviedamili, što nie vałodajuć takoj infarmacyjaj.
19.49
Łukašenka sustreŭ Pucina.
19.24
Łukašenka sustreŭ Mierkiel i Alanda.
Jak pieradaje Reuters, Anhieła Mierkiel praviadzie «karotkuju razmovu» z kiraŭnikom ukrainskaj dziaržavy Piatrom Parašenkam pierad sustrečaj z Uładzimiram Pucinym u Minsku.
Pačatak pieramoŭ zapłanavany na 21.00.
19.11
Łukašenka sustreŭ Parašenku.
«Siońnia vočy usiaho śvietu prykutyja da Minska. Uvieś śviet siońnia čakaje, što abo situacyja pojdzie šlacham deeskałacyi, damoŭlenaści, spynieńnia ahniu, advodu ŭzbrajeńniaŭ i spynieńnia hibieli ludziej, abo, kali Minsk nie stanie hetym simvałam, situacyja pojdzie faktyčna ŭraznos. Ja pierakanany, što jość ryzyka, što jana vyjdzie z-pad kantrolu», — zajaviŭ Piatro Parašenka, pieradaje BiełTA. Jon taksama padkreśliŭ, što biełaruski bok i asabista Alaksandr Łukašenka zrabili ŭsio nieabchodnaje dla arhanizacyi sustrečy.
19:08
Žurnalist telekanała «Rasija» akazaŭsia pravakataram.
Padčas pryjezdu Piatra Parašenki žurnalist Pavieł Zarubin z telekanała «Rasija» kryknuŭ jamu: «Spadaru Parašenka, čamu vašy vojski bambiać mirnyja harady»?
Achova vyvieła jaho z zały. Achoŭnik paviedamiŭ žurnalistam, što ich kaleha zusim vydaleny z Pałaca Niezaležnaści za pravakacyjnyja dziejańni.
19:02
U ŚMI źjaviŭsia dakumient z prapanovami «DNR» i «ŁNR» da pieramoŭ u Minsku
19:01
Pryziamliŭsia samalot Uładzimira Pucina. Jaho sustrakała hanarovaja varta i vice-premjer Rusy.
18:43
Aland, Mierkiel i Parašenka prybyli ŭ Minsk
16:50
15:10
U Pałacy Niezaležnaści pa centry staviać ściah Hiermanii FOTAFAKT
11 lutaha ŭ Minsku adbudziecca sustreča kiraŭnikoŭ Ukrainy, Rasii, Hiermanii Francyi. Ab hetaj sustrečy Piatro Parašenka, Uładzimir Pucin, Anhieła Mierkiel i Fransua Aland damovilisia 8 lutaha ŭ časie telefonnaj kanfierencyi.
Z prośbaj ab sadziejničańni ŭ arhanizacyi sustrečy ŭ tak zvanym «narmandskim farmacie» ŭ Minsku da prezidenta Biełarusi Alaksandra Łukašenka źviarnulisia prezidenty Pucin i Parašenka. Łukašenka paabiacaŭ usialakaje spryjańnie.
Sustreča adbudziecca ŭ Pałacy Niezaležnaści ŭ Minsku. Pieršym u biełaruskuju stalicu prylacieŭ Piatro Parašenka. Fransua Aland prybyŭ z Paryža, Anhieła Mierkiel — ź Bierlina. U aeraporcie Aland pierajšoŭ u samalot niamieckaj delehacyi. Jak čakajecca, na pieramovy jeŭrapiejskija lidary prybuduć razam.
Padrychtoŭka da pieramovaŭ viałasia na sustrečy pradstaŭnikoŭ zamiežnapalityčnych viedamstvaŭ čatyroch krain 9 lutaha ŭ Bierlinie i na pasiadžeńni kantaktavaj hrupy 10—11 lutaha ŭ Minsku.
Kiraŭnik amierykanskimi siłami ŭ Jeŭropie hienierał Frederyk Chodžes zajaviŭ u intervju «Uoł-stryt džornał» u subotu, što, pa jahonych acenkach, Rasija rychtujecca da vialikaj vajny «ź niekim» praź piać-šeść hadoŭ.
Minsk staŭ miescam, dzie vajnu chočuć praduchilić. Chtości choča, a chtości, mahčyma, choča prosta vyhadać lepšyja pazicyi dla vyrašalnaha ŭdaru.
Niechta paraŭnoŭvaje Minsk ź Jałtaj 1945 hoda, chtości – ź Miunchienam 1938-ha. Mierkiel nie maje iluzij, jakija mieŭ Čembierlen. Jana choča vyjści ź situacyi biez vajny. Ale, na žal, adziny, chto vyrašyć, čym stanuć minskija pieramovy – heta Pucin. Usie viedajuć, što dumajuć zachodnija lidary, ale nichto nie viedaje, što dumaje Pucin.
Hety artykuł budzie abnaŭlacca anłajn.
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary