«15 lutaha na race Čakva ŭ rajonie vioski Rubiel Stolinskaha rajona pravaliŭsia pad lod i patanuŭ padletak 2000 hoda naradžeńnia.
Pavodle papiaredniaj viersii, jon adpraviŭsia katacca na kańkach. Praź niekalki hadzin, zaniepakojeny adsutnaściu syna, da raki pryjšoŭ baćka chłopčyka, jaki pabačyŭ na bierazie asabistyja rečy, a ŭ race — pałonku», — raspavioŭ pres-sakratar MNS Vital Navicki.
Da prybyćcia ratavalnikaŭ miascovyja žychary pry dapamozie padručnych srodkaŭ z vady dastali patanułaha dzieviacikłaśnika.
Pa dadzienych sinoptykaŭ, u Stolinskim rajonie z 11 lutaha trymałasia tempieratura ad nula da plus 5 hradusaŭ. U niadzielu słupok termomietra apuściŭsia da minus 2.
U MNS nahadali, što pry tempieratury kala nula hradusaŭ ciaham troch dzion lod tančeje na 25%.
«Nie vychodźcie na nietryvały lod sami i nie puskajcie tudy dziaciej. Budźcie pilnyja», — padkreśliŭ Vital Navicki.
Kamientary