Narkapalicyja abiasškodziła mižnarodnuju hrupu, jakaja raspaŭsiudžvała sintetyčnyja narkotyki ŭ rasijskim Varoniežy, što moža być datyčnaja da atručvańnia bolš za 40 čałaviek, kiravaŭ joju hramadzianin Biełarusi.
Fota FSKN RF
Masavaje atručeńnie kurycielnymi sumiesiami ŭ Varoniežy adbyłosia ŭ pačatku kastryčnika 2014 hoda.
Bolš za 40 čałaviek akazalisia ŭ balnicy z dyjahnazam «atručeńnie narkatyčnym rečyvam psichatropnaha dziejańnia». Niekatoryja sa špitalizavanych pryznalisia, što ŭžyvali «spajs». U pačatku lutaha miascovaja narkapalicyja paviedamlała, što złaviła troch raspaŭsiudnikaŭ kurylnych sumiesiaŭ, jakija mohuć być datyčnyja da masavaha atručvańnia.
Pa dadzienych FSKN, kiravaŭ hrupaj 31-hadovy hramadzianin Biełarusi.
Znachodziačysia pa-za miežami RF, na dumku viedamstva, jon naniaŭ praz sajt abviestkaŭ troch žycharoŭ Varonieža dla raspaŭsiudu narkotykaŭ (dvuch mužčyn i adnu žančynu). Suviaź zmoŭščyki ažyćciaŭlali praz ICQ. Jak paviedamlaje FSKN, narkotyk varoniežcy atrymlivali z tajnikoŭ, a zatym fasavali aptovymi (ad 100 da 300 hramaŭ) i roźničnymi partyjami. Zbyt ažyćciaŭlali tolki praz tajniki.
U chodzie apieracyi apieratyŭnikami praviedziena niekalki pieratrusaŭ pa adrasach pražyvańnia členaŭ hrupy i miescach mahčymaha składziravańnia narkatyčnych srodkaŭ. U vyniku kanfiskavana kala 5,5 kiłahrama «spajsaŭ» i «solaŭ».
Zatrymanyja ŭsie mahčymyja ŭdzielniki złačynnaj supolnaści, u tym liku i hramadzianin Biełarusi, jakoha varoniežskim narkapalicejskim udałosia vymanić u Rasiju.
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?6
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary