Smartfon navučyli paznavać haspadara pa radužnaj abałoncy
Stvaralniki śćviardžajuć, što sistema pamylajecca adzin raz sa 100 tysiač.
Kampanija Fujutsu pradstaviła sistemu raspaznavańnia radužnaj abałonki, što moža słužyć miechanizmam razbłakiroŭki smartfona, na Mobile World Congress u Barsiełonie. Žurnalisty Pocket-lint pravieryli sistemu.
Na vystavie Fujitsu prademanstravała rekłamny rolik i testavy aparat. Kampanija śćviardžaje, što sistema pracuje praktyčna biezdakorna — pamylajecca adzin raz sa 100 tysiač skanavańniaŭ. Jaje možna vykarystoŭvać jak dla razbłakiroŭki smartfona, tak i dla abmiežavańnia dostupu da asobnych prahram.
Žurnalisty źniali pracu sistemy nažyvuju. Jak vyjaviłasia, skanavańnie ŭ realnych umovach adbyvajecca nasamreč dastatkova chutka.
Pieršyja smartfony sa skanieram radužnaj abałonki mohuć źjavicca ŭ kancy 2015 ci pačatku 2016 hoda.
Technałohija raspaznavańnia tvaru (Face Unlock) prystuničaje ŭ apošnich viersijach Android pa zmoŭčvańni, ZTE vykarystoŭvaje ŭ smartfonach raspaznavańnie siatčatki. Ale dla zhadanych technałohij patrebnaje dobraje aśviatleńnie. Dla analizu radužnaj abałonki dastatkova nie asabliva enierhazatratnaj infračyrvonaj padśvietki na adlehłaści 20 sm.
Alternatyŭnym mietadam «bijamietryčnaha parolu» jość skanavańnie adbitkaŭ palcaŭ. Jano vykarystoŭvajecca ŭ iPhone 5 i naviejšych smartfonach Apple, a taksama ŭ smartfonach na Android (najčaściej — u fłahmanach Samsung).
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary