Tuzin.fm skłaŭ rejtynh paśla apytańnia 90 ekśpiertaŭ.
Muzyčny partał Tuzin.fm pradstaviŭ rejtynh najvialikšych biełaruskich piesień.
«Hety rejtynh – sproba choć krychu zapoŭnić prahały ŭ viedańni svajoj muzyki, — tłumačać aŭtary rejtynhu. — Jon składzieny na padstavie apytańnia 90 ekspertaŭ roznych pakaleńniaŭ. Tych piersonaŭ, jakija zrabili svoj uniosak u raźvićcio sučasnaj biełaruskaj muzyčnaj kultury – niepasredna samich muzykaŭ, znaŭcaŭ i daśledčykaŭ, kulturołahaŭ, pradziusaraŭ, klipmejkieraŭ, režysioraŭ, paetaŭ-piesieńnikaŭ, hukarežysioraŭ, pradstaŭnikoŭ presy, radyjo i televizii».
U rejtynh uvajšli roznyja pieśni biełaruskich vykanaŭcaŭ u niezaležnaści ad movy i žanru. «Tancy na dachu» Ulis susiedničajuć z «Čiornym bumierom» Siarohi, mrojeŭskaja «Kraina kryvavych daždžoŭ» — ź lapisaŭskaj «Ty kinuła».
Aznajomicca z žury i pracesam składańnia rejtynhu možna tut.
Top-10 biełaruskich piesień vyhladaje tak:
- «Pieśniary» — Aleksandryna
- N.R.M — Try čarapachi
- «Vierasy» — Zavirucha
- «Pieśniary» — Kasiŭ Jaś kaniušynu
- N.R.M — Pavietrany šar
- «Siabry» — Šumicie, biarozy
- Krama — Biažy, chłopiec
- Prajekt «Ja naradziŭsia tut» — Ja naradziŭsia tut
- Ulis — Radyjo Svaboda
- «Pieśniary» — Biełaviežskaja Pušča
Himn «Mahutny Boža» zaniaŭ 11 miesca, za im — «Prostyja słovy» z «Narodnaha alboma».
Ahułam u sotniu trapiła dva dziasiatki piesień, što vykonvali «Pieśniary». Skandalnaja «Malitva» zaniała 13 miesca. U sotni znajšłosia 15 piesień, da jakich ruku prykłaŭ Lavon Volski. U «Lapisaŭ» 9 piesień, najvyšejšaja 37-ja pazicyja ŭ «Kapitała».
«Pahonia» na vierš Bahdanoviča» na 40 miescy, «Raźvitańnie z Radzimaj» na muzyku Ahinskaha i słovy Sokałava-Vojuša — na 41-m. «Zdravstvuj, čužaja miłaja» Alaksandra Saładuchi, što stała internet-miemam, zaniała 19 miesca.
Pasłuchać top-100 biełaruskich piesień pa viersii Tuzin.fm >>>
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2929
Kamientary