Urad Čechii ŭ sieradu, 8 krasavika, razhledzić pytańnie ab finansavańni pajezdki prezidenta krainy Miłaša Zemana ŭ Maskvu na ŭračystaści z nahody 70-hodździa pieramohi ŭ Vialikaj Ajčynnaj vajnie.
Pra heta, jak piša vydańnie Denik, padčas pres-kanfierencyi zajaviŭ vice-premjer Pavieł Biełabradek, jaki taksama źjaŭlajecca lidaram Chryścijanska-demakratyčnaha sajuza — Čechasłavackaj narodnaj partyi (uvachodzić u kiroŭnuju kaalicyju).
Biełabradek rastłumačyŭ, što jon nie maje ničoha suprać taho, kab kiraŭnik dziaržavy ŭšanavaŭ pamiać zahinułych padčas Druhoj suśvietnaj vajny. Adnak udzieł Zemana ŭ vajskovym paradzie ŭ Maskvie, na jaho dumku, źjaŭlajecca «nieprystojnym u biahučaj mižnarodnaj situacyi».
Pakul niezrazumieła, ci budzie Zeman prysutničać 9 maja na Krasnaj płoščy. Ale kali ŭrad jaho vizit u kančatkovym vyniku nie ŭchvalić, to prezident budzie vymušany samastojna apłacić svaju pajezdku.
Kamientary