Lidar ruchu «Za Svabodu» Alaksandr Milinkievič škaduje z nahody rašeńnia Uładzimira Niaklajeva syści z kampanii «Havary praŭdu».
«Škada, bo patencyjał u jaho vialiki i raskručany, i mnohija ludzi pracavali, — pryvodzić mierkavańnie Milinkieviča pres-słužba ruchu. — Jamu varta było b zastavacca. Ale heta jaho asabistaje rašeńnie, nielha davać parady čałavieku».
«Jon vydatny paet, i, moža, jon choča zasiarodzicca na hetym. Ja škaduju, što jon vyrašyŭ adychodzić. Ja nie liču, što, maŭlaŭ, starym treba syści, tady moładź tut tak raskvitnieje. Ale moładzi nichto nie zaminaje. I starejšaje pakaleńnie, kali navat nie na pieršych rolach idzie, jano vielmi karysnaje, kali staić pobač. Ale mnie ciažka davać parady, bo ja sam skazaŭ, što my ŭstrymlivajemsia ad udziełu ŭ kampanii z pryčyny nieabrańnia adzinaha [kandydata ŭ prezidenty]», — zajaviŭ Milinkievič.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary