Žychara Bresta, abvinavačanaha ŭ paklopie na Łukašenku, adpravili ŭ «Navinki»
Pavodle infarmacyi pravaabaroncaŭ, Michaił Łukaševič prachodzić tam psichijatryčnuju ekśpiertyzu.
Brestaŭčanina Michaiła Łukaševiča, abvinavačanaha ŭ paklopie na kiranika dziaržavy, adpravili ŭ «Navinki» na psichijatryčnuju ekśpiertyzu. Pra jaho znachodžańnie ŭ Respublikanskim navukova-praktyčnym centry psichičnaha zdaroŭja Jeŭraradyjo paviedamiŭ pravaabaronca Uładzimir Vialičkin.
Pavodle jaho słoŭ, kala tydnia jon nie moh źviazacca z Łukaševičam. Tady jon źviarnuŭsia da śledčych, jakija zajmajucca spravaj brestaŭčanina. Padčas telefonnaj razmovy i stała viadomaje miescaznachodžańnie mužčyny.
Nahadajem, što kryminalnuju spravu ŭ dačynieńni Michaiła Łukaševiča raspačali ŭ śniežni 2014 hoda. Nahodaj stali samarobnyja transparanty, ź jakich 63-hadovy brestaŭčanin litaralna pabudavaŭ płot u svaim domie. Jany ŭtrymlivali krytyku jak dziejnaj, tak i kolišniaj savieckaj ułady. U niekatorych nadpisach zhadvałasia proźvišča Łukašenka.
«Niahledziačy na toje, što jon zamalavaŭ abraźlivyja, na dumku śledstva, vykazvańni, jaho adpravili na abśledavańnie ŭ «Navinki». Śledčaja kaža, što jon dobraachvotna tudy pajechaŭ. Spadziajusia, što heta sapraŭdy tak, ale ździŭlaje, što jon nie paviedamiŭ pra heta», — raspaviadaje Jeŭraradyjo Vialičkin.
Los Łukaševiča vyrašycca pa vynikach ekśpiertyzy. Za paklop na kiraŭnika dziaržavy moža pahražać da 4 hadoŭ pazbaŭleńnia voli. U vypadku, kali mužčynu pryznajuć psichična chvorym, jaho čakaje pierśpiektyva izalacyi ad hramadstva i prymusovaje lačeńnie na termin da 2 hadoŭ.
Ciapier čytajuć
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj1
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary