U biełaruski ŭ pašparcie adarvałasia pałoska pierad pieršaj staronkaj. Što kažuć u Dziaržpahrankamitecie
U sacyjalnych sietkach abmiarkoŭvajuć niezvyčajnuju prablemu ź biełaruskim pašpartam.
Karystalnik Threads Uład raskazaŭ, što ŭ jaho žonki adarvałasia papiarovaja pałoska pierad pieršaj staronkaj dakumienta, i pacikaviŭsia, ci mohuć praz heta ŭźniknuć prablemy pry pierasiačeńni miažy, piša Onliner.by.
Mužčyna apublikavaŭ fatahrafii pašparta i adznačyŭ u publikacyi akaŭnt Dziaržaŭnaha pahraničnaha kamiteta.
U kamientaryjach pradstaŭniki viedamstva adkazali, što rekamiendujuć zamianić dakumient.
Pad dopisam taksama źjavilisia dziasiatki kamientaroŭ karystalnikaŭ, jakija padzialilisia padobnymi vypadkami. Adny śćviardžali, što biez prablem pierasiakali miažu ź jašče bolš surjoznymi paškodžańniami pašparta, inšyja raskazali, što z-za hetaj pałoski im zadavali dadatkovyja pytańni.
«Kali budziecie viartacca, mohuć uźniknuć pytańni. Mianie chvilin dziesiać zatrymali na miažy», — napisaŭ adzin z karystalnikaŭ.
Inšy kamientatar paviedamiŭ: «Letaś viartalisia ŭ Biełaruś, i ŭ siastry była nadarvanaja hetaja pałoska. Chvilin piatnaccać krucili pašpart u rukach i zadavali pytańni. Ale, na ščaście, usio abyšłosia».
Taja samaja pałoska pierad pieršaj staronkaj biełaruskaha pašparta — heta nie elemient abarony, a technałahičny elemient pieraplotu i łaminavańnia dakumienta.
Čamu ž tady praź jaje ŭźnikajuć pytańni? Sprava ŭ tym, što paškodžańnie hetaj pałoski moža vyhladać tak, nibyta z pašparta vyrvali abo sprabavali zamianić staronki. Tamu pamiežniki abaviazanyja pierakanacca, što ŭ dakumient nie ŭnosilisia nijakija źmieny i jon nie padviarhaŭsia ŭmiašańniu.
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki2
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary