Ustanova adukacyi maje prava sama vybirać movu vykładańnia — namieśnik ministra pra vykładańnie historyi Biełarusi
Ustanova adukacyi maje prava sama vybirać movu vykładańnia.
Pra heta paviedamiła siońnia namieśnik ministra adukacyi Raisa Sidarenka na pres-kanfierencyi nakont padrychtoŭki da novaha navučalnaha hoda.
«Jość mierkavańnie, što historyja Biełarusi pavinna vykładacca tolki na biełaruskaj movie. Ale jość i pryncypova inšaja pazicyja, što ŭstanova adukacyi pavinna vyznačycca, na jakoj movie vyvučać pradmiet.
Kali my siłavym mietadam prymusim vyvučać niejkija pradmiety na peŭnaj movie, heta budzie niapravilnym padychodam, bo ŭ Biełarusi dźvie dziaržaŭnyja movy», — źviarnuła ŭvahu Raisa Sidarenka.
Na dumku namieśnika ministra, kali havorka idzie ab pašyreńni śfiery biełaruskaj movy, to sprava nie ŭ vykładańni taho ci inšaha pradmieta, a ŭ ahulnaj pazicyi ŭstanovy adukacyi i piedahahičnaha kalektyvu.
«Vykładčykaŭ historyi Biełarusi, jakija dobra vałodajuć nacyjanalnaj movaj, niedastatkova. Z vusnaŭ nastaŭnika nie pavinna hučać niepiśmiennaja havorka. Niadaŭna ŭ Minsku pravodzili apytańnie, kolki ruskamoŭnych škoł chočuć vyvučać historyju Biełarusi na biełaruskaj movie.
U mianie niama ličbaŭ, ale pracent takich škoł dosyć vialiki.
My hatovyja adhuknucca na žadańnie baćkoŭ i vučniaŭ, ale heta treba rabić karektna, z pavahaj da nośbitaŭ movy. Siłavoha ŭmiašańnia być nie pavinna», — padkreśliła jana.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary