Ministry abarony piaci skandynaŭskich dziaržaŭ — Narviehii, Šviecyi, Danii, Finlandyi i Isłandyi — padpisali sumiesnuju dekłaracyju ab umacavańni kalektyŭnaj abarony Paŭnočnaj Jeŭropy i krain Prybałtyki na vypadak rasijskaj vajennaj ahresii. Dakumient apublikavany ŭ haziecie Aftenposten.
U tekście dekłaracyi havorycca, što «rasijskija lidary prademanstravali hatoŭnaść efiektyŭna na praktycy prymianiać vajennyja srodki dasiahnieńnia palityčnych metaŭ, navat z parušeńniem pryncypaŭ mižnarodnaha prava». Heta turbuje skandynaŭskija dziaržavy, bo apošnim časam u Prybałtycy i bolš paŭnočnych rehijonach adznačajecca ŭzmacnieńnie aktyŭnaści rasijskaj avijacyi i pačaščeńnie parušeńniaŭ dziaržaŭnych miežaŭ.
U suviazi z hetym ministry damovilisia ab praviadzieńni bolšaj kolkaści sumiesnych vučeńniaŭ, umacavańni suviaziaŭ pamiž paŭnočnymi pramysłovymi pradpryjemstvami, u tym liku abaronnaha siektara, pieradačy raźviedvalnaj infarmacyi i «kibiermateryjałaŭ».
«Rasijskaja prapahanda i palityčnyja manipulacyi hrajuć svaju rolu ŭ źjaŭleńni roznahałośsiaŭ pamiž našymi narodami i takimi arhanizacyjami jak NATA i ES», - śćviardžajuć vajskoŭcy.
Adkazać na hety vyklik jany źbirajucca «salidarnaściu i pašyranym supracoŭnictvam» — jak pamiž vojskami svaich dziaržaŭ, tak i z NATA. Pieršym śviedčańniem takoha supracoŭnictva pavinny stać vučeńni Arctic Challenge ŭ kancy maja, jakija projduć na terytoryjach Šviecyi i Narviehii pry ŭdziele ZŠA.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary