Biełaruskija ajcišniki chočuć razburyć ličbavyja miežy ź Jeŭropaj

Biełaruskaja IT-supolnaść stała ruchajučaj siłaj harmanizacyi rynkaŭ Zachodniaj i Uschodniaj Jeŭropy. Kali ideju padtrymajuć palityčnyja ŭłady, biełaruski biźnies apyniecca ŭ centry vialikaj pracy pa stvareńni adzinaj ličbavaj infrastruktury.

Biełaruskija ajcišniki damahajucca harmanizacyi ličbavaha rynku ź Jeŭrasajuzam i krainami Uschodniaha partniorstva. Z padačy biełarusaŭ hetuju ideju ciapier prapahanduje IT-supolnaść bolšaści krain UP (akramia Biełarusi, heta Ukraina, Małdova, Hruzija, Azierbajdžan i Armienija).

Kiraŭnik asacyjacyi «Infapark» Uładzimir Baśko na kanfierencyi ŭ ramkach kanhresa TIBO źviarnuŭ uvahu, što roznyja standarty, jakija isnujuć na nacyjanalnych rynkach, tarmoziać raźvićcio IT-biznesu i ličbavaj transfarmacyi našych ekanomik. Heta tyčycca kamiercyjnaha dakumientazvarotu, praviłaŭ handlu na elektronnych placoŭkach, infarmacyjnaj biaśpieki hetak dalej.

Jašče ŭ 2013 hodzie biełaruskaja IT-asacyjacyja sumiesna z anałahičnaj litoŭskaj arhanizacyjaj na sustrečy ŭ Vilni prapanavali kaleham z krain Uschodniaha partniorstva intehravacca ŭ praces, jaki zaraz idzie ŭ Jeŭrasajuzie. Jeŭrapiejskija dziaržavy siońnia pracujuć nad harmanizacyjaj ličbavych pracesaŭ. Krainam Uschodniaj Jeŭropy nie varta čakać, kali ES vypracuje svaju sistemu, pad jakuju pryjdziecca padładžvacca, a pryniać udzieł u stvareńni hetaj sistemy, raźvivajučysia razam z susiedziami.

Što skažuć prezidenty i premjery?

IT-supolnaść padtrymała inicyjatyvu, nazvanuju HDM (Harmonization of Digital Markets). Voś tolki zastałosia pierakanać ŭładnyja struktury, jakija prymajuć rašeńni. U hetym pytańni vyrašalnym budzie samit Uschodniaha partniorstva ŭ Ryzie 21-22 maja, skazaŭ Uładzimir Baśko.

«My spadziajemsia, što na samicie ŭ jaho dekłaracyi budzie zapisanaja fraza ab značnaści i nieabchodnaści harmanizacyi ličbavych rynkaŭ. Spadziajemsia, što hety prajekt budzie nazvany «fłahmanskim», heta značyć važnym i viadučym », - adznačyŭ ekśpiert.

«Infapark» raźličvaje, jaho inicyjatyva budzie padmacavana i na sustrečy ministraŭ ES i krain UP u Luksiemburhu, jakaja projdzie ŭ červieni. «Kali ŭsio heta adbudziecca, my budziem ličyć, što instytucyjalizacyja inicyjatyvy adbyłasia. Možna budzie pierachodzić da jaje realizacyi », - skazaŭ kiraŭnik biełaruskaj asacyjacyi.

Adnak moža atrymacca i tak, što mižnarodnaja IT-supolnaść nie zmoža pierakanać svaich prezidentaŭ i premjer-ministraŭ u nieabchodnaści ŭklučyć dadzieny punkt u dekłaracyju, papiaredziŭ Uładzimir Baśko.

Združyć Jeŭrazijski i Jeŭrapiejski sajuzy

Pracesy vypracoŭki adzinych standartaŭ zaraz prachodziać nie tolki ŭnutry ES, ale i ŭnutry JEAES. Čamu b ich nie abjadnać?

«Biełaruś źjaŭlajecca svojeasablivym drajvieram, jaki padłučaje ŭnutranuju harmanizacyju ŭ JEAES da pracesu harmanizacyi ličbavych rynkaŭ u ES», — zajavili ekśpierty na sieminary ŭ ramkach TIBO.

Choć hetaja ideja ŭjaŭlajecca składana vyrašajemaj, asabliva na fonie palityčnych svarak, udzielniki rynka zacikaŭleny ŭ jaje ažyćciaŭleńni. Ekśpierty pakazvali, što zapavoleńnie na rynku Zachodniaj i Uschodniaj Jeŭropy moža abharnucca tym, što Azija nas pierahonić. U prykład pryvodziłasia Paŭdniovaja Kareja, čyja realizacyja mižnarodnaha standartu pa elektronnaha dakumientazvarotu ŭžo pryznana suśvietnym etałonam, i na jaho ŭsio raŭniajucca.

Šaniec dla biełaruskaha IT-biznesu

Biełaruski IT-biznes bačyć u idei harmanizacyi rynkaŭ vialikija pierśpiektyvy dla siabie. Tak, u pracy rehijanalnaj hrupy HDM aktyŭna ŭdzielničaje kampanija «Softkłub. Pa słovach namieśnika hienieralnaha dyrektara kampanii pa navucy i inavacyjach Uładzimira Aniščanki, biełaruskija raspracoŭščyki, apynuŭšysia ŭ centry mižnarodnych pracesaŭ, zmohuć prapanavać svaje napracoŭki ahulnamu rynku Uschodniaha Partniorstva, ES i JEAES. Heta rašeńni ŭ halinie elektronnych handlovych placovak i elektronnaha dakumientazvarotu i inšych napramkaŭ.

«Bo pa vialikim rachunku mižnarodnyja damoŭlenaści - heta kalidor dla taho, kab pryvatny biznes moh bolš efiektyŭna realizoŭvać svaje prajekty», - skazaŭ Uładzimir Aniščanka.

Kali Biełaruś zarekamienduje siabie ŭ jakaści ruchajučaj siły inicyjatyvy HDM, tady pra jaje mahčymaściach buduć paznavać inšyja krainy. Prajekt abiacaje vyhady nie tolki dla ekanomiki, ale i dla imidžu našaj krainy.

• 0
• 0
• 0
• 0
• 0
• 0