Niezaležnaha žurnalista ź Minska vinavaciać u pracy biez akredytacyi na zamiežny ŚMI pry padrychtoŭcy siužeta ŭ Dziaržynskim rajonie Minskaj vobłaści.
U milicyju žurnalista vyklikali ŭ subotu, 25 krasavika.
– U piatnicu da mianie dachaty pryjšli milicyjanty i pad podpis ŭručyli mnie pozvu źjavicca ŭ adździaleńnie milicyi ŭ Fanipali. U subotu ŭ fanipalskim pastarunku milicyjanty pakazali mnie razdrukoŭki z sajta «Biełsata» ź niadaŭnim infarmacyjnym siužetam.
Siužet tyčyŭsia hramadskaha abmierkavańnia zabudovy ŭ Fanipali, na jakoje mianie 17 krasavika razam ź inšymi žurnalistami nie chacieli puskać milicyjanty. Tady jany pravieryli ŭ nas dakumienty i pierapisali dadzienyja, a ciapier prapanavali dać tłumačeńni adnosna siužeta, – raspavioŭ Siarhiej Kraŭčuk pres-słužbie HA «Biełaruskaja asacyjacyja žurnalistaŭ».
Davać tłumačeńni milicyjantam sp. Kraŭčuk admoviŭsia. U vyniku supracoŭniki milicyi zajavili, što zaviali suprać jaho administracyjnuju spravu pa artykule 22.9 KaAP (niezakonny vyrab i raspaŭsiud pradukcyi ŚMI) i pieradajuć jaje ŭ sud. Pa słovach milicyjantaŭ, razhladać spravu žurnalista budzie nieŭzabavie sud Dziaržynskaha rajona Minskaj vobłaści.
Sioleta biełaruskich žurnalistaŭ užo 12 razoŭ pryznavali vinavatymi ŭ parušeńni artykuła 22.9 KaAP, a ahulnaja suma štrafaŭ pa hetym artykule ŭžo pierasiahnuła sumu ŭ 60 miljonaŭ rubloŭ.
«P****iec adbyŭsia». Volha Kavalkova patłumačyła, čamu adyšła ad palityki i carkvy i jak transfarmuje bol u luboŭ12
Kamientary