Nieviadomyja uzbrojenyja ludzi ŭ maskach razhramili ofis «Kamiteta suprać katavańniaŭ» ŭ rasijskim Hroznym. Padrabiaznaści taho, što adbyłosia raspavioŭ Ruskaj słužbie Bi-bi-si pravaabaronca arhanizacyi Albiert Kuźniacoŭ.
Kiraŭnik kamiteta Ihar Kalapin u svaju čarhu ličyć, što pryčyna chavajeccam ŭ rasśledavańniach arhanizacyi, u jakich fihurujuć čačenskija siłaviki.
Kala 11:30 la ofisa pravaabarončaj arhanizacyi «Kamitet suprać katavańniaŭ» pačaŭsia mitynh. Pa słovach siabra kamiteta Ivana Žylcova, «pieravažnaja bolšaść — prostyja ludzi, jakich sahnali nie zrazumieła navošta». Niekatoryja ŭdzielniki pratestu sapraŭdy vykazvali niezadavolenaść rasśledavańniem hučnaha zabojstva Džambułata Dadajeva, z-za jakoha adbyŭsia kanflikt pamiž kiraŭnikom respubliki Ramzanam Kadyravym i staŭrapalskimi palicejskimi.
Potym pačaŭsia pahrom, u jakim udzielničali kala 10 čałaviek. Napadniki byli ŭ chirurhičnych maskach i soniečnych akularach.
Pa słovach pravaabaroncaŭ, uzbrojenyja kuvałdami i navat piłami ludzi ŭzłamali dźviery kamiteta, pranikli ŭ pamiaškańnie i razhramili jaho. «Hučali pahrozy raspravy nad nami», - rastłumačyŭ Albiert Kuźniacoŭ.
Kiraŭnik «Kamiteta suprać katavańniaŭ» Ihar Kalapin ličyć zdareńnie metanakiravanaj atakaj na arhanizacyju. «Treba vałodać chvoraj łohikaj, kab naohuł choć niejak źviazać kamitet sa spravaj Dadajeva», — miarkuje jon.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj31
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary