Невядомыя узброеныя людзі ў масках разграмілі офіс «Камітэта супраць катаванняў» ў расійскім Грозным. Падрабязнасці таго, што адбылося распавёў Рускай службе Бі-бі-сі праваабаронца арганізацыі Альберт Кузняцоў.
Кіраўнік камітэта Ігар Каляпін у сваю чаргу лічыць, што прычына хаваеццам ў расследаваннях арганізацыі, у якіх фігуруюць чачэнскія сілавікі.
Каля 11:30 ля офіса праваабарончай арганізацыі «Камітэт супраць катаванняў» пачаўся мітынг. Па словах сябра камітэта Івана Жыльцова, «пераважная большасць — простыя людзі, якіх сагналі не зразумела навошта». Некаторыя ўдзельнікі пратэсту сапраўды выказвалі незадаволенасць расследаваннем гучнага забойства Джамбулата Дадаева, з-за якога адбыўся канфлікт паміж кіраўніком рэспублікі Рамзанам Кадыравым і стаўрапальскімі паліцэйскімі.
Потым пачаўся пагром, у якім удзельнічалі каля 10 чалавек. Нападнікі былі ў хірургічных масках і сонечных акулярах.
Па словах праваабаронцаў, узброеныя кувалдамі і нават піламі людзі ўзламалі дзверы камітэта, праніклі ў памяшканне і разграмілі яго. «Гучалі пагрозы расправы над намі», - растлумачыў Альберт Кузняцоў.
Кіраўнік «Камітэта супраць катаванняў» Ігар Каляпін лічыць здарэнне мэтанакіраванай атакай на арганізацыю. «Трэба валодаць хворай логікай, каб наогул хоць неяк звязаць камітэт са справай Дадаева», — мяркуе ён.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім8
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3232
Каментары