Jak u mesendžary Durava zamianić smajliki na Łukašenku
Pierapiska ŭ Telegram nie tolki viasiołaja, ale i dobra abaronienaja ad uzłomu.
Mesendžar zasnavalnika «UKantakcie» Paŭła Durava Telegram atrymaŭ 19 maja abnaŭleńnie, što dazvoliła stvarać ułasnyja nabory stykieraŭ — hetkich hihanckich smajlikaŭ. TJournal sabraŭ samyja dziŭnyja nabory karystalnikaŭ, u śpis trapiŭ i nabor stykieraŭ z Łukašenkam.
Kab spampavać staronnija stykiery, treba pierajści pa spasyłcy na aficyjnym sajcie Telergam. Praŭda, tam niama poŭnaha śpisu — jon jość, naprykład, na nieaficyjnym tlgrm.ru. Stykiery «Baćka» tut.
Siarod samych dziŭnych byli nazvanyja taksama stykiery z Tejłar Śvift, Nikałasam Kiejdžam, Hiejbam Ńjuełam, hierojami filma «Kung Fury» (kali vy jaho jašče nie hladzieli, pahladzicie) i inšyja. U mesendžar pieraniesienyja ŭsie stykiery z «UKantakcie».
***
Mesendžar Telegram — biaspłatnaja prahrama dla abmienu paviedamleńniami z adkrytym zychodnym kodam. Prajekt viadzie Pavieł Duraŭ, mesendžar pracuje na bazie pratakołu MTProto, raspracavanaha jaho bratam Mikałajem.
Stvaralniki zajaŭlajuć ab poŭnaj krypastojkaści — paviedamleńni šyfrujucca tak, što sami raspracoŭščyki nie majuć da ich dostupu (i, adpaviedna, nie mohuć vydać pierapisku śpiecsłužbam — u adroźnieńnie ad kankurentaŭ).
Za ŭzłom šyfru raspracoŭščyki abiacajuć pryz u 300 tysiač dalaraŭ. Pakul była tolki adna surjoznaja zajaŭka na pryz: chakier znajšoŭ tekst u niezašyfravanym vyhladzie ŭ kešy Android-prahramy i pamiaci samoha Android. Pavieł Duraŭ nie pryniaŭ zajaŭku: jon śćviardžaje, što ŭraźlivaść naležyć nie mesendžaru, a Android, i što pry najaŭnaści root-dostupu (pravoŭ administratara, atrymać jakija samastojna moža tolki daśviedčany karystalnik) možna atrymać lubuju infarmacyju, što pakazvajecca na ekranie pryłady.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3535
Kamientary