Lidary viadučych industryjalnych demakratyj — prezidenty ZŠA i Francyi Barak Abama i Fransua Aland, premjery Brytanii Devid Kemieran, Japonii Sindzo Abe, Italii Matea Renca, Kanady Styvien Charpier, i haspadynia mierapryjemstva, kancler Hiermanii Anhieła Mierkiel — źbirajucca na niadzielu na bavarskim łyžnym kurorcie Harmiš-Partenkirchien na čarhovy samit G7.
Štohadovyja sustrečy pravodziacca nie dla pryniaćcia abaviazvajuć rašeńniaŭ, a dla abmienu dumkami i vypracoŭki ahulnaj linii.
Choć Rasiju ŭ minułym hodzie vyklučyli z kłuba za anieksiju Kryma, Uładzimir Pucin budzie niabačna prysutničać u Harmiš-Partenkirchienie. Pa prahnozach naziralnikaŭ, situacyja na Ukrainie stanie viadučym punktam paradku dnia. Čakajecca, što ŭdzielniki samitu vykarystajuć jaho, kab akazać dypłamatyčny cisk na Kreml i jašče raz pasprabavać pierakanać jaho admovicca ad padtrymki samaabvieščanych DNR i ŁNR.
Hiermanija, Brytanija i ZŠA majuć namier abmierkavać dapamohu tym krainam ES, jakija bolš za inšych pakutujuć ekanamična ad udziełu ŭ sankcyjach, nakładzienych na Rasiju.
Jašče adna klučavaja tema — kryzis u Hrecyi. Akramia taho, udzielniki samitu buduć kazać pra hłabalnaje paciapleńnie i baraćby ź lichamankaj Eboła.
Druhi dzień samitu budzie pryśviečany pahrozam z boku vajaŭničaha radykalizmu, u pryvatnaści, ruchaŭ «Isłamskaja dziaržava» i «Boka charam», dla čaho ŭ paniadziełak u Bavaryju prybuduć kiraŭniki Iraka, Nihieryi i Tunisa.
-
Rasija zakryła čyhunačnyja punkty propusku na miežach ź Finlandyjaj, Estonijaj i Łatvijaj. Pryčyna i namier pakul niajasnyja
-
Viarchoŭny sud ZŠA vyznačyŭ, što prava na hramadzianstva pa naradžeńni zastajecca ŭ sile. Jaho sprabavaŭ admianić Tramp
-
Samaje zasušlivaje miesca ŭ śviecie časam pieratvarajecca ŭ kvietkavy dyvan
Kamientary