Prezident ZŠA Barak Abama i kancler Hiermanii Anhieła Mierkiel zrabili sumiesnuju zajavu nakont taho, što sankcyi suprać Rasii pavinny zastavacca ŭ sile da taho času, pakul nie buduć vykananyja Minskija pahadnieńni ab spynieńni ahniu.
«Lidary dźviuch krain abmierkavali kryzis va Ukrainie i syšlisia na tym, što praciahłaść dziejańnia sankcyj pavinna być dakładna ŭviazana z poŭnym vykanańniem Rasijaj Minskich pahadnieńniaŭ i pavahaj da suvierenitetu Ukrainy», — havorycca ŭ zajavie Biełaha doma, apublikavanym paśla sustrečy Baraka Abamy i Anhieły Mierkiel na samicie Vialikaj siamiorki na bavarskim alpijskim kurorcie Harmiš-Partenkirchien.
Jašče da pačatku zapłanavanych sustreč Abama zajaviŭ, što adnoj z hałoŭnych tem samitu stanie «supraćstajańnie rasijskaj ahresii va Ukrainie».
«Ciaham nastupnych dvuch dzion my majem namier abmierkavać u zamku Elmau našu ahulnuju budučyniu, suśvietnuju ekanomiku, jakaja stvaraje pracoŭnyja miescy i novyja mahčymaści, padtrymańnie siły i roskvitu Jeŭrasajuza, pašyreńnie transatłantyčnaha handlovaha supracoŭnictva, supraćstajańnie rasijskaj ahresii va Ukrainie, supraćdziejańnie pahrozam, pačynajučy ad ekstremizmu i kančajučy źmianieńniem klimatu», — skazaŭ Abama.
Rasija była adchilenaja ad udziełu ŭ samicie, jaki raniej zvaŭsia «Vialikaj vaśmiorkaj», paśla anieksii Kryma. Akramia taho, Zachad abvinavačvaje Rasiju ŭ adpraŭcy vajskoŭcaŭ dla padtrymki samaabvieščanych «narodnych respublik» na ŭschodzie Ukrainy. Rasijski bok admaŭlaje hetyja abvinavačvańni, nazyvajučy ŭsich hetych ludziej dobraachvotnikami.
Čarhovy termin dziejańnia ekanamičnych sankcyj, uviedzienych ES suprać Rasii, zakančvajecca ŭ lipieni.
Adnak staršynia Jeŭrapiejskaj rady Donald Tusk na samicie zajaviŭ, što adzinaja dyskusija z nahody sankcyj u dačynieńni da Rasii moža zvodzicca da taho, ci varta ich rabić bolš žorstkimi, a dla źniaćcia abmiežavalnych mier padstaŭ niama.
U sakaviku lidary krain ES damovilisia pamiž saboj, što siektaralnyja abmiežavańni ŭ dačynieńni da rasijskaj ekanomiki nie buduć źniatyja da toj pary, pakul stanovišča Minskich pahadnieńniaŭ nie stanuć vykonvacca ŭ poŭnaj miery.
Miž tym Hiermanija, Vialikabrytanija i ZŠA raźličvajuć zaklučyć pahadnieńnie ab padtrymcy krain — členaŭ Jeŭrasajuza, najbolš paciarpiełych ad sankcyj.
Premjer-ministr Vialikabrytanii Devid Kamieran skazaŭ, što jon spadziajecca na toje, što sankcyi buduć padtrymany adnadušna, niahledziačy na toje, što jany «akazvajuć ŭździejańnie na ŭsich nas».
Ministr zamiežnych spraŭ Vialikabrytanii Filip Chemand, vystupajučy ŭ niadzielnaj teleprahramie Bi-bi-si «Šou Endru Mara» paćvierdziŭ aściarohi nakont narastiučaha vajennaha cisku Rasii na ŭschodzie Ukrainy.
Rasijski prezident Pucin u apublikavanym u subotu intervju italjanskaj haziecie Corriere della Sera vyklučyŭ mahčymaść zbrojnaha kanfliktu pamiž Maskvoj i NATA.
«Śviet nastolki źmianiŭsia, što ludzi ŭ zdarovym sensie nie mohuć sabie ŭjavić takoha bujnamaštabnaha vajennaha kanfliktu siońnia», — zajaviŭ jon.
-
Prezident Kuby zajaviŭ, što mahčymy vajenny napad ZŠA na krainu pryviadzie da kryvavaj bojni ź niepradkazalnymi nastupstvami
-
Sud adchiliŭ hučny pazoŭ Iłana Maska suprać kampanii OpenAI i jaje kiraŭnika Sema Altmana
-
Tramp zajaviŭ, što admianiŭ novy ŭdar pa Iranie pa prośbie lidaraŭ Katara, AAE i Saudaŭskaj Aravii
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary