Kačanava: Najbolš vostra pierad Minskam stajać pytańni znosu i kapitalnaha ramontu žylla
«Na siońniašni dzień ja baču dva pytańni, jakija źjaŭlajucca najbolš vostrymi dla Minska, — heta znos pryvatnaj zabudovy i kapitalny ramont žylla. Mienavita z hetymi pytańniami čaściej za ŭsio źviartajucca da mianie minčanie», — kanstatavała namieśnik premjer-ministra Natalla Kačanava ŭ čas pryjomu hramadzian u administracyi Savieckaha rajona.
Na pryjom da vice-premjera ŭ administracyi Savieckaha rajona pryjšli adrazu dva žychary pryvatnaha siektara pa prajeździe Vałačajeŭskim. Natalla Kačanava daručyła miascovym uładam pryvieści ŭ paradak terytoryju pryvatnaha siektara. «Niahledziačy na toje, što heta terytoryja pierśpiektyŭnaj zabudovy, ludzi pavinny žyć u dastojnych umovach. Tamu ŭ pryvatnym siektary nieabchodna pryvieści ŭ naležny vyhlad darohu, ustanavić kantejniery dla zboru śmiećcia», — padkreśliła namieśnik premjer-ministra.
Taksama Natalla Kačanava jašče raz nahadała ab tym, što ŭsie administracyi rajonaŭ pavinny vieści rastłumačalnuju rabotu z nasielnictvam Minska, raskazvać ab tym, jak budzie raźvivacca horad u dalejšym, dzie znachodziacca pierśpiektyŭnyja rajony zabudovy.
Usiaho vice-premjeru pastupiła vosiem zvarotaŭ. Pytańni datyčylisia raśsialeńnia i rehistracyi damoŭ, viartańnia kvatery ŭ prajektny stan, hukaizalacyi žyłoha pamiaškańnia, vypłaty alimientaŭ.
Vice-premjer užo vysłuchała prablemnyja pytańni žycharoŭ šaści rajonaŭ stalicy, u chutkim časie pryjomy adbuducca ŭ administracyjach Centralnaha, Leninskaha i Frunzienskaha rajonaŭ.
Kamientary