U Minsku na płoščy kala Pałaca sportu siońnia z 10.00 da 17.00 adbyvajecca maštabny stokavy kirmaš.
Jak paviedamili ŭ pres-słužbie hałoŭnaha ŭpraŭleńnia spažyvieckaha rynku Minharvykankama, kirmaš-rasprodaž pravodzicca ŭžo ŭ treci raz. Pieršy prajšoŭ u vieraśni minułaha hoda, druhi - 1 maja hetaha. Tavarazvarot kožnaha ź ich skłaŭ bolš za 1,6 młrd rubloŭ.
U pašyranym rasprodažy tavaraŭ voźmuć udzieł bolš za 80 pradpryjemstvaŭ, u tym liku: Aršanski lnokambinat, «Sukno», «Kupalinka», «Alesia», Centr mody, «Hałanteja», fabryka hałaŭnych uboraŭ «Ludmiła», «Fajbiertiek», «Biełkielmie», «Otyka», «Pramień», Baranavickaje vytvorčaje bavaŭnianaje abjadnańnie, «Kamvol», «Romhil-Teks», «Babrujsktrykataž», «Nadeks», «Mahateks», «Elema», «BiełKreda», «Viaśnianka», «Dyvany Bresta».
Vytvorcy pradstaviać nie tolki tavary z kalekcyj, nie realizavanych u siezon, ale i novyja madeli. U adnym miescy možna budzie nabyć roznyja tavary sa źnižkami zvyš 30%: šviejnyja, trykatažnyja, hałantarejnyja tavary, koŭdry, pledy, dyvanovyja vyraby, abutak i inš. Na mnohija tavary buduć prapanavany finalnyja košty sa źnižkaj da 70%. Na kirmašy možna budzie kupić taksama charčovyja tavary i pradukcyju hramadskaha charčavańnia.
Prodaž tavaraŭ płanujecca pieravažna mietadam samaabsłuhoŭvańnia. Buduć stvorany naležnyja ŭmovy dla prymierki vyrabaŭ - arhanizavany prymieračnyja kabiny, jakija adkazvajuć patrabavańniam pryvatnaści, estetyčnaści, z bankietkami, lusterkami i kilimkami.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii2
Kamientary