Va ŭračystych mierapryjemstvach 3 vieraśnia ŭ Piekinie ŭ aznamienavańnie 70-hodździa Pieramohi ŭ antyjaponskaj vajnie i zakančeńnia Druhoj suśvietnaj vajny ŭ składzie dziaržaŭnaj delehacyi Biełarusi braŭ udzieł ministr abarony hienierał-lejtenant Andrej Raŭkoŭ, paviedamlaje pres-słužba biełaruskaha vajskovaha viedamstva.
Na zaprašeńnie načalnika Hienieralnaha štaba Narodna-vyzvalenčaj armii Kitaja ŭ mierapryjemstvach taksama brała ŭdzieł delehacyja Uzbrojenych sił Biełarusi na čale z načalnikam Hienštaba VS — pieršym namieśnikam ministra abarony hienierał-majoram Aleham Biełakonievym.
Ad Uzbrojenych sił Biełarusi ŭ Piekinskim paradzie ŭdzielničaŭ paradny raźlik roty hanarovaj varty. Pa centralnaj płoščy Piekina prajšła hrupa ź dziaržaŭnym ściaham Biełarusi, kamandnaja hrupa i piešaja paradnaja karobka.
2 vieraśnia ŭ Piekinie adbyłasia dvuchbakovaja sustreča načalnika Hienieralnaha štaba Uzbrojenych sił Biełarusi ź jaho sierbskim kaleham hienierałam Lubišam Dzikavičam.
U chodzie pierahavoraŭ baki paćvierdzili zacikaŭlenaść u raźvićci ŭzajemavyhadnaha dvuchbakovaha vajennaha supracoŭnictva i abmierkavali pytańni realizacyi mižuradavaha pahadnieńnia ab supracoŭnictvie ŭ halinie abarony, padpisanaha ministrami abarony dźviuch krain u 2014 hodzie.
U jakaści pierśpiektyŭnych napramkaŭ supracoŭnictva byli paznačanyja vajennaja adukacyja, radyjacyjnaja, chimičnaja i bijałahičnaja abarona vojskaŭ, padrychtoŭka sił śpiecyjalnych apieracyj, miratvorčaja dziejnaść i vajennaja miedycyna.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary