Francuzski akcior Žerar Depardjo ŭ intervju časopisu Le Figaro TV Magazine pryznaŭsia, što choča pradać ŭsiu majomaść u Francyi i ŭ pierśpiektyvie źbirajecca pažyć u Biełarusi.
«Ja dumaju, što ŭsie pradam ŭ Francyi. Ja nie chaču być bolš častkaj hetaj krainy, navat uličvajučy, što ja lublu francuzaŭ», — zajaviŭ Depardjo.
Adkazvajučy na pytańnie žurnalista pra toje, dzie jon budzie žyć, Depardjo zajaviŭ, što na dadzieny momant užo žyvie ŭ Italii, ale ŭ pierśpiektyvie źbirajecca pažyć u Biełarusi, «siarod mužykoŭ, bo tam pryhoža, i prezident — dobry čałaviek».
66-hadovy Depardjo prasłaviŭsia jak akcior niezvyčajnaha typažu.
Pad staryja hady jon, adnak, trapiŭ u šerah skandałaŭ. Spačatku jaho aryštavali za kiravańnie traspartnych srodkam u stanie ałkaholnaha apjanieńnia. Paśla jon admoviŭsia ad pražyvańnia ŭ Francyi i pierajechaŭ spačatku ŭ Bielhiju, a paśla ŭ Rasiju, kab płacić mienšyja padatki. U Francyi takija pavodziny paličyli niepatryjatyčnymi.
Kamientary