Vajskovy piensijanier z Dubroŭna prakaciŭ na kapocie dvuch pahraničnikaŭ FSB i ŭdaryŭ adnaho ź ich u tvar
56‑hadovy mužčyna zajmaŭsia brakańjerstvam na bierazie Finskaha zaliva, a jany jamu pieraškadžali.
U lutym 2024 hoda vajskovy piensijanier z Dubroŭna, jaki žyvie ŭ Leninhradskaj vobłaści Rasii, adpraviŭsia na bierah Finskaha zaliva ŭ pošukach ryby.
Rybnaja łoŭla była ŭdałaj — choć i niezakonnaj, — ale kali piensijanier vyjazdžaŭ na svaim «Falksvahienie», nasustrač jamu vyjšli niekalki supracoŭnikaŭ pamiežnaha ŭpraŭleńnia FSB.
Jany paprasili pakazać, što ŭ mašynie, ale mužčyna vyrašyŭ prarvacca. Jon rušyŭ prosta na dvaich supracoŭnikaŭ, jakija stajali pierad kapotam. Kab nie trapić pad koły, tyja ŭchapilisia za kapot i bakavoje lusterka — adzin trymaŭsia rukami za kapot kala łabavoha škła, upirajučysia nahami ŭ bampier, druhi trymaŭsia anałahična i adnoj rukoj za lusterka.
Mužčyna prajechaŭ ź imi tak kala 200 mietraŭ, paśla čaho adzin z paciarpiełych sarvaŭsia i ŭpaŭ, a zadniaje levaje koła aŭtamabila pierajechała jamu nahu. Druhoha pamiežnika jon pranios na kapocie jašče kala 600 mietraŭ, pakul nie spyniŭsia. Kali toj padbieh da mašyny, sprabujučy zatrymać brakańjera, kiroŭca ŭdaryŭ jaho kułakom u tvar. I tolki tady piensijaniera zatrymali.
U vyniku najezdu adzin z pamiežnikaŭ atrymaŭ razryŭ myšcy halonki i inšyja paškodžańni, kvalifikavanyja jak lohkija paškodžańni.
Vajskovy piensijanier poŭnaściu pryznaŭ vinu i pakajaŭsia, a taksama dobraachvotna kampiensavaŭ maralnuju škodu paciarpiełym — prykładna $2000 i $1000.
Sud pryznaŭ jaho vinavatym pavodle č. 2 st. 318 KK RF (hvałt, niebiaśpiečny dla žyćcia i zdaroŭja, u dačynieńni da pradstaŭnika ŭłady) i pryznačyŭ 9 miesiacaŭ kałonii. Z ulikam taho, što paŭhoda piensijanier prasiadzieŭ u SIZA, jaho adpuścili ŭ zale suda.
Za brakańjerstva jaho aštrafavali prykładna na $5000, a mašynu kanfiskavali.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary