Asudžany za chabar na 9 hadoŭ kałonii dyrektar dobrušskaha zavoda vyjšaŭ na svabodu praz dva hady
Dyrektar Dobrušskaha zavoda nie adsiedzieŭ svoj termin i prynios zekaŭskija paradki na Viciebščynu, piša «Vitiebsk, ja hulaju!».
U 2023 hodzie HUBAZiK hučna zatrymaŭ dyrektara Dobrušskaha parcalanavaha zavoda Alaksandra Vinakurava i jaho rodnaha brata.
Śledstva zajaviła, što brat byŭ pasiarednikam pry pieradačy chabaru. Sud naličyŭ Vinakuravu bolš za 63 tysiačy rubloŭ niezakonnaha ŭznaharodžańnia i daŭ dzieviać hadoŭ kałonii ŭzmocnienaha režymu, štraf 28 tysiač rubloŭ i piacihadovuju zabaronu zajmać kiraŭničyja pasady.
Ale dzieviać hadoŭ Vinakuraŭ nie adsiedzieŭ. Čałaviek z takimi ža danymi znajšoŭsia ŭ kreśle dyrektara AAT «Mikałajeŭski» Miorskaha rajona — jaho imia paznačana na sajcie rajvykankama.
Znajšli jaho i na fatahrafii z červieńskaha pasiadžeńnia ŭ rajvykankamie: heta toj samy były dyrektar parcalanavaha zavoda, asudžany za karupcyju.
Aŭtary kanała «Vitiebsk, ja hulaju!» zacikavilisia Vinakuravym paśla skarhaŭ z haspadarki.
Rabotniki raspaviadali pra cisk, prynižeńni i faktyčna «zekaŭskija paradki». Vyvučeńnie bijahrafii novaha dyrektara mnohaje pastaviła na svaje miescy: z kałonii jaho niejkim čynam vypuścili, ale zasvojeny tam styl kiravańnia jon, padobna, pryvioz z saboj na Viciebščynu.
Ciapier čytajuć
Na Alaksandru Hierasimieniu napali ŭ centry Varšavy21
Kamientary