Dadomu da Sašy Filipienki prychodzili siłaviki praz spravu EHU
Siłaviki prychodzili dadomu da piśmieńnika Sašy Filipienki ŭ Biełarusi praz «spravu EHU». Pra heta jon raskazaŭ u efiry «Ranicy z «Biełsatam».
Pavodle Sašy Filipienki, siłaviki časam naviedvajucca da jaho dadomu i turbujuć blizkich.
«Apošni raz da mianie čamuści prychodzili ŭ suviazi z tym, što ja taksama navučaŭsia ŭ EHU. Napeŭna, jany chacieli vyśvietlić, što mienavita ja rabiŭ u EHU, chacia ja advučyŭsia ŭ EHU tolki pieršy kurs (kali EHU byŭ u Minsku), i paśla jaho zakryli», — skazaŭ piśmieńnik.
Siłaviki taksama ŭžyvajuć represii za jahonuju litaraturnuju dziejnaść: «Nibyta druhaja sprava (kryminalnaja sprava suprać Filipienki) praz toje, što było intervju, i ja razmaŭlaŭ pra «Słana» (kniha aŭtarstva Filipienki), a pakolki «Słon» «ekstremiscki», to nibyta ja nie mahu razmaŭlać pra svaje knižki».
Litaratar dadaje, što, akramia pieratrusaŭ, siłaviki vykarystoŭvajuć i inšyja formy cisku: «Mnie padajecca, što heta nie tolki maja piersanalnaja historyja, u hetaj historyi apynulisia ciapier tysiačy i tysiačy biełarusaŭ. U hetym sensie sa mnoju nie zdarajecca ničoha novaha».
Piśmieńnik kaža, što heta niepryjemna, ale biełarusy žyvuć niby ŭ siurrealiźmie.
«Kali pačynaješ razmaŭlać z rodnymi pra toje, jak heta było, jak prajšoŭ novy pieratrus, pamiataju, što maci kazała: «A, nu ŭ hety raz dobry pieratrus byŭ», — adznačyŭ Filipienka.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary