Parłamient Vienhryi ŭchvaliŭ zakon, jaki dazvalaje ŭradu vykarystoŭvać armiju dla ŭrehulavańnia kryzisu ź mihrantami.
Vajskoŭcy zmohuć prymianiać nieśmiarotnuju zbroju, u tym liku humovyja kuli, ślozatačyvy haz i sietki.
Pavodle novaha zakona, armija atrymlivaje prava prymać udzieł u patrulavańni miažy.
Raniej parłamient Vienhryi zrabiŭ značna bolš žorstkim mihracyjnaje zakanadaŭstva i ŭvioŭ za nielehalnaje praniknieńnie na terytoryju krainy pakarańnie ŭ vyhladzie turemnaha źniavoleńnia.
Kab spynić niekantralujemy patok mihrantaŭ, Vienhryja ŭžo pierakryła mietaličnym płotam z kalučym drotam miažu ź Sierbijaj i pačała budavać anałahičnuju ścianu na miažy z Charvatyjaj.
Pavodle samych kansiervatyŭnych acenak, za hety hod praz terytoryju Vienhryi prajšli ŭžo bolš za 200 tysiač uciekačoŭ, jakija imknucca trapić u ekanamična raźvityja krainy Jeŭrasajuza, u pieršuju čarhu ŭ Hiermaniju.
Kamientary