«Raseksimbank» padpisaŭ pahadnieńnie ab uzajemadziejańni z «Biełarusbankam» ź finansavym limitam u 2 młrd rasijskich rubloŭ, u miežach jakoha budzie ažyćciaŭlacca finansavaja padtrymka rasijskaha ekspartu ŭ Respubliku Biełaruś.
Jak paviedamlaje pres-słužba «Raseksimbanka», dakumient skiravany na arhanizacyju finansavańnia z boku «Raseksimbanka» ekspartnych kantraktaŭ, jakija praduhledžvajuć zakupku biełaruskimi kampanijami tavaraŭ rasijskaj vytvorčaści.
«My nadajom asablivuju ŭvahu vybudoŭvańniu doŭhaterminovych partniorskich adnosin ź finansavymi instytutami tych dziaržaŭ, dzie vysoki popyt na rasijskuju pradukcyju. Dostup da finansavańnia praz bank zamiežnaha pakupnika časta źjaŭlajecca aptymalnym rašeńniem dla realizacyi mižnarodnaha prajekta. Upeŭnieny, što heta pahadnieńnie budzie spryjać nie tolki pavieličeńniu abjomaŭ rasijskaha ekspartu, ale i rostu liku ekspartna aryjentavanych kampanij», — prakamientavaŭ staršynia praŭleńnia «Raseksimbanka» Dźmitryj Hałavanaŭ.
Dziaržaŭny śpiecyjalizavany Rasijski ekspartna-impartny bank (akcyjaniernaje tavarystva) byŭ stvorany ŭ 1994 hodzie, kab realizoŭvać na praktycy dziaržaŭnuju palityku stymulavańnia i padtrymki ekspartu pradukcyi mašynabudavańnia. Statutny kapitał banka na 01.07.2015 hoda składaje 12,651 młrd. rubloŭ. Metami banka źjaŭlajucca zabieśpiačeńnie dostupu da finansavych resursaŭ dla rasijskich kampanij-eksparcioraŭ i sadziejničańnie rostu rasijskaha niesyravinnaha ekspartu.
Kamientary