Śledčy kamitet Rasii pravioŭ u Sankt-Pieciarburhu ekshumacyju astankaŭ apošniaha rasijskaha impieratara Mikałaja II i jaho žonki Alaksandry Fiodaraŭny.
Meta ekshumacyi - paćvierdzić sapraŭdnaść znojdzienych u Jekaciarynburhu ŭ 2007 hodzie mierkavanych pareštkaŭ cesareviča Alaksieja i vialikaj kniazioŭny Maryi, jakija ciapier znachodziacca ŭ dziaržarchivie Rasii.
Ich cieły byli pachavanyja balšavikami asobna ad astatnich zahinułych i vyjaŭlenyja tolki vosiem hadoŭ tamu ŭ Śviardłoŭskaj vobłaści.
Jak paviedamiŭ pradstaŭnik SK RF Uładzimir Markin, pracedura ekshumacyi pravodziłasia ŭ suviazi z adnaŭleńniem rasśledavańnia kryminalnaj spravy ab hibieli členaŭ rasijskaha impieratarskaha doma, a taksama asobaŭ ź ich śvity.
Dom Ramanavych padtrymaŭ ekshumacyju, pakolki heta dazvolić pierakanacca ŭ tym, što ŭ Pietrapaŭłaŭskim sabory Sankt-Pieciarburha sapraŭdy pachavany Mikałaj II.
Kryminalnaja sprava ab hibieli členaŭ rasijskaha impieratarskaha doma i asob ź ich śvity była raspačataja ŭ 1993 hodzie paśla vyjaŭleńnia hrupavoha pachavańnia ŭ vakolicach Jekaciarynburha.
U chodzie identyfikacyi pareštkaŭ śledstva pryjšło da vysnovy, što jany naležać rasstralanym u noč na 17 lipienia 1918 hoda Mikałaju II, jaho žoncy Alaksandry Fiodaraŭnie, ich dzieciam, a taksama asobam sa śvity: lejb-miedyku, prysłužnicy, kucharu i lokaju.
U 1998 hodzie kryminalnaja sprava była spynienaja ŭ suviazi sa śmierciu asob, jakija ŭčynili złačynstva, a pareštki impieratara i jaho žonki byli pachavanyja ŭ Pietrapaŭłaŭskim sabory Sankt-Pieciarburha.
29 lipienia 2007 hoda ŭ čas archieałahičnych raskopak na poŭdzień ad miesca pieršaha pachavańnia byli znojdzienyja pareštki jašče dvuch čałaviek. Ekśpierty miarkujuć, što jany naležać cesareviču Alaksieju i jaho siastry Maryi.
-
U niamieckim Kiolnie evakuirujuć 20 tysiač čałaviek. Pryčyna — bomby časoŭ Druhoj suśvietnaj vajny
-
Kampanija-vydaviec «Śvietu tankaŭ» publikuje infarmacyju ab svajoj padtrymcy Uzbrojenych sił Rasii
-
Litoŭski deputat: Niama nijakich prykmiet taho, što Rasija ci Biełaruś mohuć napaści na krainy NATA ŭ 2025-m
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary