Najbujniejšy biełaruski spartyŭny partał Tribuna.com zrabiła vialikuju hutarku z eks-kandydatam u prezidenty, byłym paliźviaźniem Mikołam Statkievičam. Razmaŭlali pra zaniatki sportam u dziacinstvie, vojsku, padčas pieršaj «chimii» i padčas znachodžańnia ŭ kałonii paśla padziej 2010 h. Cikava, pačytajcie.
— Vam dazvalali hladzieć televizar?
— Pieršy hod - nie. Ja byŭ na strohim režymie, jaki zabaraniaje heta. A paśla pieravodu na ahulny u studzieni 2013. źjaviŭsia televizar. Ale jaho bolš hladzieŭ susied. Ja ŭ asnoŭnym pieraklučaŭ na naviny. Pa biełaruskim telebačańni lepš za ŭsio hladzieć spartyŭnyja pieradačy. Heta mienš napružvaje. Z bujnych spabornictvaŭ hladzieli Alimpijadu ŭ Sočy.
U kałonii z televizaram było praściej. U našym baraku ich było try. Dva ŭ spalnym pamiaškańni i jašče adzin u pakoi adpačynku. Naša bryhada, jakaja pracavała na piłaramie, zaŭsiody zajmała televizar, kali «Dynama» hulała ŭ KCHŁ.
My byli samyja krutyja chłopcy, tamu nam było možna:).
Nam adčyniali pakoj adpačynku, i my hladzieli chakiej. Adzin chłopiec chvareŭ za ryžskaje «Dynama». I, viadoma, heta była tema dla na słovach duelaŭ, žartaŭ i kpinaŭ. My byli viasiołaj kampanijaj. Jak ja zaŭsiody kažu: u samym drennym miescy — samyja lepšyja ludzi. Taksama hladzieli futboł, bijatłon, tenis. Radavalisia miedalam Darji Domračavaj, pośpiecham Viktoryi Azaranki. Zaŭzieli za biełaruskija kamandy.
Ja nie atajasamlaju biełaruski sport z čałaviekam, jaki kiruje krainaj. Šmat robić dla sportu? Chaj choć niešta dobraje robić.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim3
Kamientary