Ministerstva zamiežnych spraŭ Ukrainy nakiravała Kazachstanu notu pratestu ŭ suviazi sa źjaŭleńniem u respublicy školnych padručnikaŭ, u jakich Krym nazvany častkaj Rasii.
U dakumiencie adznačajecca, što takaja pazicyja supiarečyć pazicyi nie tolki mižnarodnaj supolnaści, ale i kiraŭnictva samoha Kazachstana, jakoje nieadnarazova zajaŭlała pra padtrymku terytaryjalnaj cełasnaści Ukrainy.
U suviazi z hetym Kijeŭ paprasiŭ ułady Kazachstana adklikać novyja padručniki. Akramia taho, ukrainski MZS zaklikaŭ Astanu abmiežavać viaščańnie rasijskich telekanałaŭ, zajaviŭšy, što častka nasielnictva Kazachstana «infikavanaja rasijskaj prapahandaj».
Sprečny padručnik byŭ vypuščany kazachstanskim vydaviectvam «Miektep». Respublika Krym u im pakazanaja jak subjekt Rasijskaj Fiederacyi. Heta vyklikała šyroki rezanans va ŭkrainskim hramadstvie.
Kamientary