Міністэрства замежных спраў Украіны накіравала Казахстану ноту пратэсту ў сувязі са з'яўленнем у рэспубліцы школьных падручнікаў, у якіх Крым названы часткай Расіі.
У дакуменце адзначаецца, што такая пазіцыя супярэчыць пазіцыі не толькі міжнароднай супольнасці, але і кіраўніцтва самога Казахстана, якое неаднаразова заяўляла пра падтрымку тэрытарыяльнай цэласнасці Украіны.
У сувязі з гэтым Кіеў папрасіў улады Казахстана адклікаць новыя падручнікі. Акрамя таго, украінскі МЗС заклікаў Астану абмежаваць вяшчанне расійскіх тэлеканалаў, заявіўшы, што частка насельніцтва Казахстана «інфікаваная расійскай прапагандай».
Спрэчны падручнік быў выпушчаны казахстанскім выдавецтвам «Мектэп». Рэспубліка Крым у ім паказаная як суб'ект Расійскай Федэрацыі. Гэта выклікала шырокі рэзананс ва ўкраінскім грамадстве.
Цяпер чытаюць
Што Бабарыка і Калеснікава адказалі на пытанні пра вайну20
Каментары