Sprava pieradadziena ŭ vajskovy sud.
Pavodle jaho słoŭ, u spravie fihurujuć «i zvyčajnyja hramadzianie, i pradstaŭnik orhanaŭ dziaržaŭnaj biaśpieki — major KDB». Zatrymanym inkryminujuć niezakonny vybar, nabyćcio, kradziež ahniastrelnaj zbroi i bojeprypasaŭ (artykuł 295 Kryminalnaha kodeksa Respubliki Biełaruś). V.Linienka padkreśliŭ, što havorka «pakul nie idzie ab teraryźmie». «Ludzi zatrymany i pakul buduć adkazvać za niezakonny abarot zbroi», — skazaŭ jon.
U svaju čarhu namieśnik načalnika adździeła pa baraćbie z arhanizavanaj złačynnaściu MUS Alaksandr Litvinski prainfarmavaŭ, što fihuranty spravy — heta «čornyja kapalniki». «U viciebskim rehijonie padčas Druhoj suśvietnaj vajny išli žorstkija bai. Hetyja rajony načynieny snaradami i bojeprypasami. I niadobrasumlennyja hramadzianie vykopvajuć i vykarystoŭvajuć vybuchovyja rečyvy jak brakańjery. Pradajuć, pierapradajuć, adnaŭlajuć hetuju zbroju», — skazaŭ A.Litvinski.
Pavodle jaho słoŭ, u pole zroku pravaachoŭnych orhanaŭ trapiła takaja hrupa. Adnak jon padkreśliŭ, što «kankretna abvinavačvać hetych asob u viciebskich vybuchach nielha». Ciapier pravodziacca ekśpiertyzy.
Nahadajem, vybuchi ŭ Viciebsku adbylisia 14 i 22 vieraśnia 2005 hoda. U vyniku «chulihanskich dziejańniaŭ» — mienavita tak było kvalifikavana zdareńnie pravaachoŭnymi orhanami — paciarpieli bolš za 40 čałaviek.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty8
Kamientary