Rasija prapanavała Ukrainie nie spyniać avijaznosiny z 25 kastryčnika
Rasijski bok prapanavaŭ Ukrainie nie ŭvodzić zabaronu na pavietranyja znosiny pamiž krainami z 25 kastryčnika.
Pra heta paviedamiła pres-słužba Fiederalnaha ahienctva pavietranaha transpartu pa vynikach pieramovaŭ u Brusieli.
Pavodle infarmacyi, rasijskuju delehacyju ŭznačalvaŭ kiraŭnik Rosavijacyi Alaksandr Nieradźko, ukrainskuju — časova vykonvajučy abaviazki staršyni Dziaržavijasłužby Eduard Dziomin.
«Rasijski bok prapanavaŭ źniać usie abmiežavańni, jakija dziejničajuć, na pramyja pavietranyja znosiny i na tranzit dla rasijskich i ŭkrainskich avijakampanij», — havorycca ŭ paviedamleńni Rosavijacyi.
«Sutnaść rasijskich prapanoŭ zaklučajecca taksama i ŭ tym, kab, pačynajučy z 25 kastryčnika 2015 hoda, ukrainskija ŭłady bolš nie ŭžyvali takija miery, jak pieraśled ekipažaŭ, pieratrusy pavietranych sudoŭ, nakładańnie štrafaŭ na rasijskija avijakampanii, jakija vykonvajuć paloty ŭ Respubliku Krym», — skazana ŭ zajavie.
«Vierahodna, praz adsutnaść adpaviednych paŭnamoctvaŭ ŭkrainski bok byŭ nie ŭ stanie pa sutnaści abmiarkoŭvać nazvanyja kanstruktyŭnyja prapanovy, a prapanavaŭ naŭzamien razhledzieć pytańni źniaćcia ŭzajemnych abmiežavańniaŭ vyklučna na tranzitnyja paloty», — zajavili ŭ Rosavijacyi.
Jak viadoma, 25 vieraśnia Ukraina ŭviała sankcyi suprać rasijskich avijakampanij, jakija ažyćciaŭlali paloty ŭ Krym.
Kijeŭ matyvavaŭ svajo rašeńnie dvuchbakovym pahadnieńniem, jakoje dazvalaje taki krok u vypadku parušeńnia pieravozčykami ŭkrainskaha zakanadaŭstva.
U toj ža čas, Rasija adkazała «lustranymi» zabaronami na paloty piaci ukrainskim kampanijam, nijak svajo rašeńnie nie matyvujučy.
19 kastryčnika Fiederalnaje ahienctva pavietranaha transpartu Rasii prapanavała Dziaržaŭnaj avijacyjnaj słužbie Ukrainy pravieści pieramovy pa pytańniach avijaznosinaŭ pamiž krainami.
23 kastryčnika ministr infrastruktury Ukrainy Andrej Pivavarski zajaviŭ, što avijaznosiny pamiž Ukrainaj i RF buduć spynienyja z 00:00 25 kastryčnika 2015 h. z pryčyny ŭviadzieńnia sankcyj suprać avijakampanij.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj5
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary