U Hrodzienskaj vobłaści pad vartaj utrymlivajecca ŭkrainski bajkier, rabotnik juvielirnaj majsterni ŭ horadzie Uładzimir-Vałynski, jaki niezakonna pradavaŭ u Biełarusi vyraby z kaštoŭnaha mietału.
Jak paviedamlaje UUS Hrodzienskaha abłvykankama, zahadzia vyrabiŭšy šyroki asartymient pradmietaŭ ź sierabria, chłopiec pryjechaŭ u Biełaruś u kancy žniŭnia na 9-y mižnarodny Lidski bajk-fest, dzie razharnuŭ burny handal. Matacyklist raźmiaściŭsia prama na miescy praviadzieńnia mierapryjemstva, pakazvajučy tematyčnyja łancužki, masiŭnyja branzalety i kolcy z čarapami, jakija karystalisia popytam siarod bajkieraŭ. Handal išoŭ bojka. Mahčyma, mienavita tamu pra jaho stała viadoma milicyi. Zatrymali handlara z dokazami złačynstva supracoŭniki ABEZ Lidskaha RAUS, vyjaviŭšy pry im 328 roznych najmieńniaŭ vyrabaŭ sa srebra ahulnaj masaj amal 5,5 kh. Košt kanfiskavanaha skłaŭ kala 300 młn. rubloŭ.
Usie vyraby nie mieli vodciskaŭ dziaržaŭnych prabirnych klejmaŭ dziaržaŭnaj prabirnaj inśpiekcyi Ministerstva finansaŭ Respubliki Biełaruś i prabirnych klejmaŭ dziaržaŭnaj inśpiekcyi prabirnaha nahladu byłoha SSSR, h.zn. handal imi byŭ zabaronieny, i takija dziejańni ŭtvarali skład złačynstva, praduhledžany č. 1 art. 223 KK (parušeńnie praviłaŭ ab ździełkach z kaštoŭnymi mietałami i kamianiami).
U miežach kryminalnaj spravy pravodziacca fizika-chimičnaja i trasałahičnaja ekśpiertyzy. U hetym vypadku zaklučeńni pa vynikach hetych daśledavańniaŭ nieabchodnyja. Z kanca žniŭnia pradaviec znachodzicca pad vartaj.
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka48
Kamientary