Pry hetym jon spasłaŭsia nie tolki na svaju acenku, ale i na mierkavańnie niezaležnych anhlijskich ekśpiertaŭ, jakija pracavali ŭ Minsku ŭ kancy lutaha hetaha hoda: «Jany vysoka acanili dziejnaść ludziej, što zabiaśpiečvajuć pravaparadak, sam pravaparadak i zrabili vysnovu, što Minsk z\jaŭlajecca spakojnym cichim horadam u kryminalnym płanie».
Pavodle słoŭ A.Śnitko, «kropak ci rajonaŭ horada, što najbolš paražanyja kryminałam, u horadzie nie isnuje».
«Jość prablema ŭsiaho horada. Na abmiežavanaj terytoryi skancentravana bolš za 2 miljony čałaviek. Da žycharoŭ stalicy treba dadać, pavodle aficyjnych źviestak, 500‑600 hramadzian, jakija pryjazdžajuć štodnia», — skazaŭ kamandzir milicejskaj čaści.
Havoračy ab tym, što «prablemnych učastkaŭ niama», u jakaści prykładu A.Śnitko nazvaŭ mikrarajon Čyžoŭku, jaki raniej byŭ niepaśpiachovym ŭ płanie złačynnaści i hety stereatyp zachoŭvajecca dahetul.
«Ciapier hety mikrarajon — adzin z samych spryjalnych u apieratyŭnm płanie. Tam praktyčna nie ździajśniajucca złačynstvy ŭ hramadskich miescach», — skazaŭ kamandzir pałka PPSM.
Jon taksama abvierhnuŭ mierkavańnie ab tym, što niećviarozych hramadzian milicyja adpraŭlaje abo ŭ vyćviareźnik, abo ŭ rajonnaje ŭpraŭleńnie: «Heta ŭžo ŭ minułym. My pierajšli na zusim inšy typ pracy».
Pavodle infarmacyi A.Śnitko, za apošni tydzień 198 hramadzian u stanie ałkaholnaha ap\janieńnia byli dastaŭlenyja pa miescy žycharstva, 89 — pieradadzieny bryhadam chutkaj miedycynskaj dapamohi. I tolki 13 čałaviek milicyjaniery dastavili ŭ miedycynski vyćviareźnik.
Alaksandr Śnitko kanstatavaŭ, što ŭ Minsku złačynnaść u hramadskich miescach źnižajecca. Tak, naprykład, u 2006 hodzie kolkaść rabavańniaŭ u paraŭnańni z 2005 hodam źniziłasia na 300, u 2007‑m u paraŭnańni z 2006‑m — na 400. Na 500 u 2007 hodzie ŭ paraŭnańni z 2006 hodam stała mienš vypadkaŭ chulihanstva.
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram30
Kamientary