Načalnik Hienštaba RF Valeryj Hierasimaŭ uznaharodžany najvyšejšaj vajskovaj uznaharodaj — ordenam Śviatoha Hieorhija. Heta za apieracyju ŭ Siryi, tłumačać vajennyja.
Aficyjna ab uznaharodžańni nie paviedamlajecca, ale hienierał užo nosić hety orden, paviedamlaje RBK.
«9 listapada načalnik Hienieralnaha štaba Uzbrojenych sił, pieršy namieśnik ministra abarony Valeryj Hierasimaŭ źjaviŭsia na publicy ŭ mundziry z płankaj ordena Śviatoha Hieorhija… Na fotazdymku ahienctva TASS Hierasimaŭ pakazany razam ź ministram abarony Siarhiejem Šajhu. Na hrudziach Hierasimava vidać płanku z ordenam Śviatoha Hieorhija», — havorycca ŭ paviedamleńni.
Adznačajecca, što ŭ nastupny raz, kali kiraŭnik Hienštaba RF trapiŭ u abjektyvy fotakarespandentaŭ, na ordenskaj płancy Hierasimava byŭ znoŭ orden Śviatoha Hieorhija.
Pavodle dadzienych ahienctva, na kastryčnickich zdymkach Hierasimava ordena jašče niama.
U toj ža čas, zhodna z paviedamleńniem, na sajcie Kramla ab uznaharodžańni nie paviedamlajecca. Pres-sakratar prezidenta RF Dźmitryj Piaskoŭ skazaŭ, što nie vałodaje infarmacyjaj ab uznaharodžańni. U pres-słužbie Minabarony RF ad kamientaroŭ admovilisia.
Surazmoŭca ahienctva ŭ vajennym viedamstvie paćvierdziŭ ŭznaharodžańnie Hierasimava. Pavodle jaho słoŭ, kiraŭnik Hienštaba RF byŭ hanaravany ŭznaharodaj za praviadzieńnie paśpiachovaj apieracyi ŭ Siryi. Inšaja krynica ŭ Minabarony RF na pytańnie ab tym, ci jość u Hierasimava takaja ŭznaharoda, rekamiendavaŭ uvažliva pahladzieć na videa z Nacyjanalnaha centra ŭpraŭleńnia abaronaj 17 listapada.
Tak, kiraŭnik Hieraldyčnaha savieta pry prezidencie RF Hieorhij Vilinbachaŭ raspavioŭ, što orden Śviatoha Hieorhija faktyčna źjaŭlajecca najvyšejšaj vajennaj uznaharodaj.
«U dziejučym statucie ordena adznačajecca, što Śviatym Hieorhijem «uznaharodžvajucca vajennasłužačyja ź liku vyšejšaha i starejšaha aficerskaha składu za praviadzieńnie bajavych apieracyj pa abaronie Ajčyny pry napadzie vonkavaha supiernika, jakija zaviaršylisia poŭnym razhromam voraha, a taksama za praviadzieńnie bajavych i inšych apieracyj na terytoryi inšych dziaržaŭ pry padtrymańni abo adnaŭleńni mižnarodnaha miru i biaśpieki…», — udakładnili ŭ paviedamleńni.
-
Telegram dla rasijan nie buduć abmiažoŭvać «u zonie SVA»
-
«Za pryhniot biełaruskaha naroda i za toje, što jon kradzie budučyniu ŭ biełarusaŭ». MZS Ukrainy zaklikała partnioraŭ uzmacnić cisk na Łukašenku
-
Saudaŭskija fondy i fantastyčnyja ździełki. Jak ziać Trampa Džared Kušnier zarablaje sotni miljonaŭ dołaraŭ
Kamientary