BATE pryvioz kubak Lihi čempijonaŭ u Barysaŭ. Na 4 dni FOTY
UEFA pajšoŭ nasustrač FK BATE jak rehularnamu ŭdzielniku Lihi čempijonaŭ i zadavoliŭ prośbu dać lehiendarny Kubak na časovaje zachoŭvańnie. Hałoŭny futbolny trafiej znachodzicca ŭ Barysavie ad čaćviarha, 19 listapada, da niadzieli. U Minsku jon demanstravacca nie budzie.
Kubak pabyvaŭ u aktavaj zale zavoda BATE, na barysaŭskim stadyjonie «Haradski», a na vychodnyja vystaŭleny na «Barysaŭ-Arenie». Kab jaho pahladzieć i sfatahrafavacca ludzi navat stajać u čerhach.
- Pahladzieć na kubak Lihi čempijonaŭ možna da 18.00 22 listapada na «Barysaŭ-Arenie». Dostup — praz VIP uvachod.
Kłub, jaki pieramoh u Lizie čempijonaŭ, maje prava pakinuć kubak u siabie na 10 miesiacaŭ. U pamiać ab pieramozie kłuby atrymlivajuć pamienšanuju kopiju trafieja (nie bolš za 80% ad pamieraŭ sapraŭdnaha kubka). Kłub, jaki pieramoh 5 razoŭ ci 3 razy zapar, maje prava pakinuć kubak na viečnaje zachoŭvańnie.
Ciapierašni kubak stvaryŭ biernski juvielir Jurh Štadelman. Košt kubka składaŭ 10 tysiač šviejcarskich frankaŭ. Kubak byŭ vykanany z srebra z załatym napyleńniem unutry i ŭjaŭlaŭ saboj amfaru vyšynioj 62 sm i vahoj 7,5 kh. Paźniej pry stvareńni kubkaŭ za ŭzor braŭsia mienavita hety varyjant.
Z-za aryhinalnaha dyzajnu ručak kubka ŭ mnohich krainach śvietu jaho nazyvajuć «vialikija vušy». Ispanski varyjant hetaj nazvy «la Orejona» vielmi papularny ŭ Łacinskaj Amierycy.
Na viečnaje zachoŭvańnie kubak atrymlivali šeść kłubaŭ: «Reał», «Ajaks», «Bavaryja», «Miłan», «Livierpul», «Barsiełona».
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni22
Kamientary