УЕФА пайшоў насустрач ФК БАТЭ як рэгулярнаму ўдзельніку Лігі чэмпіёнаў і задаволіў просьбу даць легендарны Кубак на часовае захоўванне. Галоўны футбольны трафей знаходзіцца ў Барысаве ад чацвярга, 19 лістапада, да нядзелі. У Мінску ён дэманстравацца не будзе.
Кубак пабываў у актавай зале завода БАТЭ, на барысаўскім стадыёне «Гарадскі», а на выходныя выстаўлены на «Барысаў-Арэне». Каб яго паглядзець і сфатаграфавацца людзі нават стаяць у чэргах.
- Паглядзець на кубак Лігі чэмпіёнаў можна да 18.00 22 лістапада на «Барысаў-Арэне». Доступ — праз VIP уваход.
Клуб, які перамог у Лізе чэмпіёнаў, мае права пакінуць кубак у сябе на 10 месяцаў. У памяць аб перамозе клубы атрымліваюць паменшаную копію трафея (не больш за 80% ад памераў сапраўднага кубка). Клуб, які перамог 5 разоў ці 3 разы запар, мае права пакінуць кубак на вечнае захоўванне.
Цяперашні кубак стварыў бернскі ювелір Юрг Штадэльман. Кошт кубка складаў 10 тысяч швейцарскіх франкаў. Кубак быў выкананы з срэбра з залатым напыленнем унутры і ўяўляў сабой амфару вышынёй 62 см і вагой 7,5 кг. Пазней пры стварэнні кубкаў за ўзор браўся менавіта гэты варыянт.
З-за арыгінальнага дызайну ручак кубка ў многіх краінах свету яго называюць «вялікія вушы». Іспанскі варыянт гэтай назвы «la Orejona» вельмі папулярны ў Лацінскай Амерыцы.
На вечнае захоўванне кубак атрымлівалі шэсць клубаў: «Рэал», «Аякс», «Баварыя», «Мілан», «Ліверпуль», «Барселона».
Цяпер чытаюць
Лукашэнка: Размова з Макронам доўжылася 1 гадзіну 40 хвілін. Пройдуць перамовы з прадстаўніком Францыі4
Каментары