Rasijski bok ŭdziačny Łukašenku za toje, što biełaruski lidar navažyŭ nanieści pieršy paśla vybaraŭ vizit mienavita ŭ Maskvu.
Pra heta zajaviŭ Nadzvyčajny i Paŭnamocny Pasoł Rasiei ŭ Biełarusi Alaksandr Surykaŭ u efiry telekanała «Staličnaje telebačańnie.
«My ŭdziačnyja za takuju pastanovu», — skazaŭ pasoł.
Alaksandr Surykaŭ miarkuje, što padčas vizitu Alaksandra Łukašenki ŭ Rasiju buduć abmiarkoŭvacca pytańni ŭmacavańnia i raźvićcia «sajuznaj dziaržavy», pašyreńnie kaapieracyi ŭ handlova-ekanamičnaj śfiery, koštaŭ na vuhlevadarody. Jon miarkuje, što možna «vyjści na adzinyja padychody» pa apošnim pytańni raniej 2024 hoda. «Hety ruch my pačali z vami z cenami na naftu, na haz», — skazaŭ dypłamat.
Alaksandr Surykaŭ vykazaŭsia i na temu «handlovych vojnaŭ» pamiž dźviuma krainami. «Heta zvyčajnyja adcieńni kankurencyi, u tym liku», — skazaŭ pasoł z nahody situacyj, jakija ŭźnikajuć, miž inšym, z pastaŭkami biełaruskaj pradukcyi ŭ Rasiju.
Adnak, sa słoŭ dypłamata, u handlova-ekanamičnym supracoŭnictvie dźviuch krain jość šurpataści. «Tamu što ŭ śviecie ciapier źjaviłasia takoje paniaćcie, jak małočnyja tłuščy. Jany, možna tak skazać, vybivajuć ź siadła rasiejskuju sielskuju haspadarku, ale i biełaruskaje taksama. Jość šurpataści, jość pytańni», — skazaŭ Alaksandr Surykaŭ.
Jon dadaŭ, što častka takich tłuščaŭ idzie ŭ Rasiju praź Biełaruś z trecich krain. Dypłamat miarkuje, što hetaje pytańnie treba ŭrehulavać i «zakryć temu». «Kab sielskaja haspadarka ni Rasiei, ni Biełarusi nie pakutavała ad hetych rečaŭ», — rastłumačyŭ jon. Pry hetym Alaksandr Surykaŭ adznačyŭ, što ŭ Biełarusi vielmi surjozna staviacca da zachavańnia Dziaržaŭnych standartaŭ i za ich parušeńnie mohuć pryciahnuć da kryminalnaj adkaznaści.
«Ja padniaŭ adnaho sa słabavikoŭ — i vypuściŭ jaho na asfalt». Desantnik Rusłan Akostka raskazaŭ, jak adsiedzieŭ 4 hady14
Kamientary