Učora apoŭdni supracoŭnikami KDB byŭ zatrymany lider AHP Anatol Labiedźka. Adpuścili palityka tolki a 23-j hadzinie, da hetaha ničoha pra jahony los nie było viadoma. Spadar Labiedźka paviedamiŭ, što jaho źbivali i dapytvali pa kryminalnaj spravie pa artykule “teraryzm”.
Spadar Labiedźka pierakanany, što jahonaje zatrymańnie było pakazalna žorstkim, kab maksymalna zapałochać.
(Labiedźka: ) “Jak ja ciapier razumieju, praanalizavaŭšy ŭsio, što było ŭčora, heta było takoje pakazalnaje zatrymańnie – jak złačyncu, jak niejkaha bandziuhu mianie pakłali na asfalt, nadzieli kajdanki i bili pa nyrkach. U moj ža aŭtamabil mianie zakinuli. Ja nia viedaŭ, kudy mianie viazuć, bo mnie kurtku naciahnuli na hałavu, kab ja ničoha nia bačyŭ”.
Z 6 hadzin amal da 11-j viečara ŭ KDB išoŭ dopyt Labiedźki, dapytvali dva śledčyja, jakija tak i nie pradstavilisia. Adzinaje, što jany skazali, što “raśśledujecca kryminalnaja” sprava pa artykule “teraryzm”, i cikavilisia zamiežnymi pajezdkami Labiedźki, akcentujučy ŭvahu na Litvie i Hruziii. Usio zapisvałasia na videakameru.
Nijakich materyjałaŭ Labiedźku nie prademanstravali, śledčy składaŭ pratakoł, ale nia daŭ naprykancy ni aznajomicca z tym, što jon zapisaŭ, ni padpisać pratakoł. Spadaru Labiedźku tak i nie patłumačyli, źjaŭlajecca jon padazravanym ci śviedkam, jakija fakty ci epizody teraryzmu daśledujucca. Pryčym adzin supracoŭnik KDB hulaŭ “dobraha” śledčaha, druhi – złoha.
(Labiedźka: ) “Vidać, tak dapytvali ŭ stalinskija časy, u časy Vyšynskaha”.
A pałovie na 11-ju nočy ludzi ŭ maskach vyvieźli Labiedźku na kraj horadu, adkul jon dabiraŭsia dadomu samastojna.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary