Dniami hramadskija aktyvisty i arhanizacyi masava pačali źviartać uvahu na niedastatkovaje vykarystańnie AAT «Lidskaje piva» biełaruskaj movy ŭ kamunikacyi sa spažyŭcami i ŭ pradukcyi ŭvohule. Niekatoryja navat nazyvali heta metanakiravanaj pahardaj da biełaruskaj movy.
Hienieralny dyrektar AAT «Lidskaje piva» Aŭdrus Mikšys
Jak paviedamlajecca, kiraŭnictvu pradpryjemstva byli nakiravanyja listy z pytańniem, čamu biełaruskaj movie nadajecca mała ŭvahi, a taksama z prośbaj bolš šyroka vykarystoŭvać movu va ŭsich śfierach dziejnaści pradpryjemstva.
Tolki što AAT «Lidskaje piva» na svajoj aficyjnaj staroncy ŭ sacyjalnaj sietcy Facebook paviedamiła, što źbirajecca razhledzieć pytańnie ab bolš šyrokim vykarystańni biełaruskaj movy ŭ rekłamie i inšych vidach dziejnaści, a taksama zajaviła, što prysłuchoŭvajecca da svaich spažyŭcoŭ:
«Pavažanyja siabry!
Za apošnija niekalki dzion my atrymali šerah listoŭ z prapanovami vykarystoŭvać biełaruskuju movu ŭ kamunikacyi našaha pradpryjemstva.
Dziakujem vam, što nie zastajaciesia abyjakavymi da AAT «Lidskaje piva» i pradukcyi, jakuju my vypuskajem. Kolkaść ludziej, zacikaŭlenych u tym, kab biełaruskaja mova vykarystoŭvaŭsia ŭ rekłamie, našmat bolšaja, čym nam ŭjaŭlałasia raniej, popyt na jaje, vidavočna, jość.
My pačuli našych spažyŭcoŭ i abiacajem razhledzieć pytańnie ab źjaŭleńni biełaruskaj movy ŭ prasoŭvańni našaj pradukcyi».
Ci heta prosta adpiska, ci biełaruskaja mova sapraŭdy znojdzie miesca jak minimum na etykietkach i rekłamnaj pradukcyi «Lidskaha piva», pakaža čas.
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon13
Kamientary