Ad siońnia padaražeje haz i elektryčnaść

U Biełarusi praindeksavanyja ceny na pryrodny i zvadkavany haz, taryfy na elektryčnuju i ciepłavuju enierhiju dla patreb aciapleńnia i haračaha vodazabieśpiačeńnia, jakija subsidujucca dziaržavaj. Heta praduhledžana pastanovaj Savieta Ministraŭ №996 ad 30 listapada 2015 hoda, paviedamili ŭ pres-słužbie Saŭmina.

Dakumient ustupaje ŭ siłu z 1 śniežnia 2015 hoda. Takim čynam, z pačatku miesiaca ceny dla nasielnictva na haz pryrodny i zvadkavany, taryfy na elektryčnuju i ciepłavuju enierhiju pavialičvajucca.

Taryf na ciepłavuju enierhiju dla patreb aciapleńnia i haračaha vodazabieśpiačeńnia z 1 śniežnia ustanoŭleny ŭ pamiery 100 088 rub. za 1 Hkał.

Košt 1 kub.m pryrodnaha hazu pry najaŭnaści indyvidualnych pryboraŭ uliku raschodu hazu i indyvidualnych hazavych aciaplalnych pryboraŭ u aciaplalny pieryjad vyznačana na ŭzroŭni 646,9 rub., u letni pieryjad — 2 368,5 rub. Pry adsutnaści indyvidualnych hazavych aciaplalnych pryboraŭ (niezaležna ad siezonu) košt 1 kub.m hazu składzie 2 368,5 rub.

Biez pryboraŭ indyvidualnaha ŭliku raschodu hazu košt hazu pry najaŭnaści hazavaj plity i centralizavanaha haračaha vodazabieśpiačeńnia abo indyvidualnaha vodanahravalnika (za vyklučeńniem hazavaha) składzie 18 800 rub. z adnaho pražyvajučaha ŭ miesiac, pry najaŭnaści hazavaj plity i hazavaha vodanahravalnika (pry adsutnaści centralizavanaha haračaha vodazabieśpiačeńnia) — 54 300 rub., pry najaŭnaści hazavaj plity i adsutnaści centralizavanaha haračaha vodazabieśpiačeńnia i hazavaha vodanahravalnika — 30 700 rub.

Pavyšanyja ceny i na zvadkavany haz. Tak, košt 1 kub.m z ustanoŭlenymi pryborami indyvidualnaha ŭliku raschodu hazu pry najaŭnaści indyvidualnych hazavych aciaplalnych pryboraŭ u aciaplalny pieryjad składzie 10 025,7 rub., u letni pieryjad — 6 315,1 rub. Pry adsutnaści indyvidualnych hazavych aciaplalnych pryboraŭ košt 1 kub.m składzie taksama 6 315,1 rub. Biez pryboraŭ indyvidualnaha ŭliku raschodu hazu pry najaŭnaści hazavaj plity i centralizavanaha haračaha vodazabieśpiačeńnia abo indyvidualnaha vodanahravalnika (za vyklučeńniem hazavaha) košt zvadkavanaha hazu z adnaho pražyvajučaha ŭ miesiac ŭstanoŭlena na ŭzroŭni 18 800 rub., pry najaŭnaści hazavaj plity i hazavaha vodanahravalnika (pry adsutnaści centralizavanaha haračaha vodazabieśpiačeńnia) — 53 500 rub, pry najaŭnaści hazavaj plity (pry adsutnaści centralizavanaha haračaha vodazabieśpiačeńnia i hazavaha vodanahravalnika) — 25100 rub.

Košt elektraenierhii ŭ žyłych damach (kvaterach), abstalavanych va ŭstanoŭlenym paradku elektryčnymi plitami, pa adnastavačnym taryfie ciapier składaje 841,5 rub. za 1 kVt.hadz, pa dyfierencyjavanym taryfie — 589 rub. za 1 kVt.hadz u pieryjad minimalnych nahruzak z 22.00 da 17.00 i 1683 rub. za 1 kVt.hadz u pieryjad maksimalnych nahruzak z 17.00 da 22.00.

Košt elektraenierhii dla patreb aciapleńnia i haračaha vodazabieśpiačeńnia z dałučanaj mahutnaściu abstalavańnia bolš za 5 kVt ŭstanoŭleny na ŭzroŭni 990 rub. za 1 kVt.hadz u pieryjad minimalnych nahruzak z 23.00 da 6.00 i 2 970 rub. za 1 kVt.hadz u astatni čas sutak.

Elektryčnaja enierhija, za vyklučeńniem paznačanaj u papiarednich vypadkach, pa adnastavačnym taryfie budzie abychodzicca žycharam respubliki ŭ 990 rub. za 1 kVt.hadz, pa dyfierencyjavanym taryfie — 693 rub. za 1 kVt.hadz u pieryjad minimalnych nahruzak z 22.00 da 17.00 i 1980 rub. za 1 kVt.hadz u pieryjad maksimalnych nahruzak z 17.00 da 22.00.

• 0
• 0
• 0
• 0
• 0
• 0
• 0
• 0