Kiraŭnik rasijskaha Instytuta Blizkaha Uschodu Jaŭhien Satanoŭski ŭ artykule na sajcie haziety «Vzhlad» vykazaŭ dumku, što Katar nabyvaje ŭ Biełarusi zbroju z metaj asnaščeńnia joj isłamistaŭ, u tym liku pradstaŭnikoŭ Isłamskaj dziaržavy.
«Asablivuju ŭvahu metazhodna nadać namahańniam manarchij Piersidskaj Zatoki pa zabieśpiačeńni svaich prychilnikaŭ u roznych častkach śvietu. Tak, vizit u Minsk u kancy červienia 2015 h. ministra abarony Katara Chamada bien Ali al-Atyji i jaho pieramovy z prezidentam A. Łukašenkam byli skancentravanyja na zakupkach ŭzbrajeńnia ŭ «intaresach katarskaj armii».
Pry hetym apošniaj biełaruskaja zbroja (uklučajučy sistemy PZRK, PTRK i RPH) nie patrebnyja, katarskaja armija abstalavana pa amierykanskich standartach. Vidavočna, zakupki iduć u intaresach «trecich bakoŭ». Siarod kančatkovych atrymalnikaŭ livijskija isłamisty, bajeviki na Sinai i siryjskija prychilniki ID».
Taksama Satanoŭski adznačaje, što zakupkami zbroi ŭ Biełarusi taksama zajmajecca AAE. «U takich apieracyjach vystupaje Al Mutlaq Technology, handlovaje pradstaŭnictva Al Mutlaq Croup. Jaje hienieralny dyrektar — Chusejn Muchamied bien Mutłak al-Hafli — fihura niepubličnaja. Bolš viadomy jaho stryječny brat - Muchamied Abduła bien Mutłak al-Hafli, pasoł AAE ŭ Minsku, što palahčaje jamu zakupku ŭzbrajeńnia ŭ hetaj krainie, svabodnaj ad usich mižnarodnych abmiežavańniaŭ i embarha».
«Raniej klučavoje miesca ŭ takich pastaŭkach zajmali Paŭnočnaja Kareja i sierbskija handlary zbrojaj. Ciapier asnoŭny ŭpor robicca na Minsk, što pieratvaraje Biełaruś u najbujniejšaha eksparciora ŭzbrajeńnia dla łakalnych kanfliktaŭ», — ličyć rasijski ekśpiert.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii31
Kamientary