Ahienctva Interfaks sa spasyłkaj na krynicu ŭ rasijskich pravaachoŭnych orhanach paviedamlaje pra toje, što eks-kiraŭnik JUKASa Michaił Chadarkoŭski abvieščany ŭ Rasii ŭ fiederalny vyšuk. Adnak u Śledčym kamitecie Rasii Ruskaj słužbie Bi-bi-si admovilisia paćvierdzić hetuju infarmacyju.
U paniadziełak uviečary sam Chadarkoŭski paviedamiŭ pra toje, što rasijski Śledčy kamitet vyklikaŭ jaho na dopyt u jakaści abvinavačanaha. U svaim «tvitary» biznesmen apublikavaŭ fatahrafiju pozvy z SKR, ź jakoj vynikaje, što havorka idzie pra dopyt pra padziei 1998 — pa spravie ab zabojstvie mera Niefciejuhanska Uładzimira Pietuchova.
Pozvu prynieśli 82-hadovamu baćku Michaiła Chadarkoŭskaha, Barysu.
Na fatahrafii ŭ «tvitary» Chadarkoŭskaha vidać, što na poźvie ad ruki napisana: «Pakolki Chadarkoŭski M. B. znachodzicca za miežami RF, jaŭka niemahčymaja».
Pres-sakratar Chadarkoŭskaha Kiule Pispanien paviedamiła, što jon nie maje namieru źviazvacca sa Śledčym kamitetam i navat zavočna ŭdzielničać u jakich-niebudź śledčych dziejańniach.
U žniŭni Barysa Chadarkoŭskaha vyklikali na dopyt u suviazi z adnaŭleńniem toj ža spravy.
Eks-saŭładalniki JUKASa Michaił Chadarkoŭski i Płaton Lebiedzieŭ bolš za 10 hadoŭ praviali ŭ źniavoleńni pa abvinavačvańniach u niavypłacie padatkaŭ i kradziažach. U śniežni 2013 rasijski prezident Uładzimir Pucin pamiłavaŭ Chadarkoŭskaha, paśla čaho toj adrazu pakinuŭ Rasiju i palacieŭ u Hiermaniju, a zatym pasialiŭsia ŭ Šviejcaryi, dzie atrymaŭ vid na žycharstva.
Mer Niefciejuhanska Uładzimir Pietuchoŭ byŭ zabity ŭ 1998 hodzie. U 2007 hodzie sud pryznaŭ vinavatym u arhanizacyi zabojstva Pietuchova kiraŭnika słužby biaśpieki JUKASa Alaksandra Pičuhina i prysudziŭ jaho da pažyćciovaha źniavoleńnia.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary